மனதில் பதிந்தவை

தற்காலிகப் பாசம்

2011-12-27T23:31:00.000-08:00

மனிதநேயம் அவரவர் மனதிலிருந்து வரவேண்டும்

2011-12-27T22:52:00.000-08:00

போட்டோ , வீடியோ எடுப்பதற்கு Eye-Fi card இன் நன்மைகள்

2011-10-14T07:38:00.000-07:00

Eye-Fi card ஐ உங்கள் டிஜிடல் கமராவிற்கு போட்டு படம்,வீடியோ எடுத்துக்கொண்டிருக்கும்போதே உங்கட கண்ணணியில் அவற்றை upload செய்யலாம்.

இதற்கு உங்களுக்குத் தேவை

1. டிஜிற்ரல் கமரா
2. Eye-Fi memory card இதுவும் ஒரு wireless memory card
3. வீட்டு Wi-Fi network ( wireless network)

வீட்டுக்கு 25 மீற்றர் தூரத்தில் எடுக்கும் போட்டோ அல்லது வீடியோக்களை இவ்வாறு upload செய்யலாம்

தூர இடங்களுக்குச் சென்று அதாவது விடுமுறைக்கு சென்று உங்கள் கமராவில் எடுக்கும் போட்டோ அல்லது வீடியோக்களை உங்கள் Eye-Fi card உங்களது iPhone, iPad, or Android க்கு நேரடியாக மாற்றும் வசதிகொண்டது.

இனிமேல், கமராவில memory card நிரம்பிவிட்டுது எண்ட பிரச்சனைக்கே இடமில்லை.என்ன யோசனை? சுற்றுலா போங்கோ எவ்வள போட்டோ அல்லது வீடியோவேண்டுமெண்டாலும் எடுங்கோ..........!

மேலும் விளங்கிக் கொள்ள இந்த வீடியோவைப் கிளிக்குங்கோ!!

நன்றி : www.eye-fi

வேளைக்கு எழும்புது ஏன் முக்கியமானது? வாசித்துப் பாருங்கள். .

2011-10-14T01:57:00.000-07:00

"வேளைக்கு எழும்பும் உங்களது பழக்கம் என்பது உங்களுக்கு நீங்களே கொடுக்கும் ஒரு கொடை" எனலாம்.அதிகாலை நேரத்தை பிரம்ம முகூர்த்தம் என்பார்கள். அந்த நேரத்தில் நல்ல சிந்தனைகள் மனதில் ஏற்படும்; யோகா போன்ற உடற்பயிற்சி, தியானப் பயிற்சி செய்ய ஏற்ற நேரமாகும்.இந்தக் காலத்தில் தொலைக்காட்சி , இணையம் என இரவுநேரங்களில் நீண்டநேரம் செலவழிப்பதால் அநேகம்பேர் காலையில் தாமதமாகவே எழும்புகிறார்கள். இதனால் அவர்கள் பகலில் செய்யவேண்டிய வேலைகளை அவசரத்துடன் செய்வதால் வேலையின் தரமும் கெட்டு, தேவையில்லா சிக்கல்களிலும்,விபத்துகளிலும் மாட்டிக் கொள்ளவேண்டிய துர்ப்பாக்கிய நிலைக்கு உள்ளாகிறார்கள். ஆனா வேளைக்கு எழும்புவதால அன்றய நாளில் நிறைய நேரம் இருக்கும். அதால அவரப்படவோ அந்தரப்படவோ வேண்டியிருக்காது. நிதானமாக, திறமையாக பயனுள்ள பல வேலகளைச் செய்யமுடியும்.

வேளைக்கு எழும்பும் பழக்கத்தை கோண்டு வருவதற்கு எங்களை நாம் அதற்குப் பழக்கப்படுத்திக் கொள்ளவேண்டும். நீண்ட நேர நித்திரையை விட 6 மணித்தியால ஆழ்ந்த தூக்கமே நல்லது. நித்திரை அடிக்கடி சிலருக்கு குழம்புவது உண்டு.
அதற்கு பின்வரும் வழிமுறைகளைக் கடைப்பிடிக்கும்படி றொபின் சர்மா சொல்கிறார்
• நித்திரை கொள்ள தயாராகும்போது அன்றய நாள் பகலில் நடந்தவைகளை அசைபோட வேண்டாம்.

•எட்டுமணிக்குப் பிறகு சாப்பிட வேண்டாம். விரும்பினால் சூப் குடிக்கலாம்.

• படுக்கைக்குப் போகுமுன் தொலைக் காட்சியில் செய்திகளைப் பார்ப்பததைத் தவிர்க்க வேண்டும்.

• படுக்கையில் இருந்துகொண்டு வாசிப்பது சிலரது வழக்கம். அதைத் தவிர்க்க வேண்டும்.

வாழ்வில் நல்ல மாற்றங்களை ஏற்படுத்த தொடர்ச்சியான முயற்சியும், பயிற்சியும், எல்லாத்திற்கும் மேலாகப் பொறுமையும் தேவை. அதனால் வரப்போகும் நல்ல விளைவுகள் நமக்குப் பயனுள்ளவையாகவே இருக்கும்.

வேளைக்குப் படுத்து வேளைக்கு எழும்புங்கள்..!

கேட்டு மகிழ -12 காண ஆயிரம் கண் வேண்டும் -

2009-09-12T00:47:00.005-07:00

சிட்னி முருகனுக்காக இந்தப் பாடற் பதிவு. பங்குனி உத்திரத்திற்கு முதல் நாள் அழகான அலங்காரத்துடன் தேர்க்கோலம் பூண்ட சிட்னி முருகன் அழகைக் காண ஆயிரம் கண் வேண்டும்.

இப் பாடலின் சரணத்தில் முருகனின் நாமங்களை நித்யசிறீ பாடும் அழகே தனி!இந்தப் பாடல் நித்யசிறீயின் குரலிலே கேட்கக் கேட்க தெவிட்டாதது.நீங்களும் கேட்டுப்பாருங்கள்.
ராகம்: பீம்பிளாஸ்,
தாளம்: ஆதி,
பாடல்: அருளவன்
நித்யசிறீ பாடியதைக் கேட்க

வீடியோவில் பார்க்க இதோ..

இதையும் கேளுங்க

சந்தணமும் ஜவ்வாதும் சேர்ந்து மணங்கமழ
பாலபிஷேகமுடன் வெற்றித் திருநீறணிந்து
தங்க ரதத் தேரினிலே பக்தர்படை சூழ்ந்துவர
வள்ளி தெய்வயானையுடன் காட்சி தரும் -முருகா..முருகா
வள்ளி தெய்வயானையுடன் காட்சி தரும் -உன்னழகை

காண ஆயிரம் கண் வேண்டும் உன்னைக்
காண ஆயிரம் கண் வேண்டும் முருகனைக்
காண ஆயிரம் கண் வேண்டும் முருகனைக்
காண கண் ஆயிரம் வேண்டும்

உலகளந்த வல்லவனை வண்ணமயில் வாகனனை
கணபதி சோதரனை தந்தை சுவாமி ஆனவனை (காண)

செங்கதிரும் முழுமதியும் சேர்ந்தணிந்த சுந்தரனை
விண்ணகமும் மண்ணகமும் காத்து நிற்கும் அருளகனை(காண)
முருகனைக் காண குமரனைக் காண
கந்தனைக் காண வேலனைக் காண
குகனைக் காண கடம்பனைக் காண
ஆறு முகனைக் காண சரவணனைக் காண
சிவகுமரனைக் காண கார்த்திகேயனக் காண
சண்முகனைக் காண அழகனைக் காண
பாலனைக் காண மயில்வாகனனைக் காண
அழகனைக் காண வேலனைக் காண
பழனி வேலனைக் காண முருகா..முருகா

கே.ஜே.யேசுதாஸ் பாடியதைக் கேட்க.

நன்றி,படம்:sydneymurugan.org.au
______________________________________________________________________________________

"கேட்டு மகிழ -12 காண ஆயிரம் கண் வேண்டும் -"
8 Comments - Show Original Post Collapse comments

Blogger யோகன் பாரிஸ்(Johan-Paris) said...

//செங்கதிரும் முழுமதியும் சேர்ந்தணிந்த சுந்தரனை//

செல்லி!
அருமையான பாடல் ;இந்த அடியும் அழகான அடி ;எனக்குப் பிடித்த நித்திய சிறி குரல்; என் இஸ்ட தெய்வம் முருகன் புகழ்...மணக்கும் பாடல்
நன்றி

4/12/07 2:43 AM
Delete
Blogger குமரன் (Kumaran) said...

தாங்கள் ஏன் முருகன் அருள் கூட்டுப் பதிவில் இணைந்து முருகன் பாடல்களை இடக்கூடாது? இணைவதில் தடையில்லை என்றால் நானோ சிபியோ அழைப்பை அனுப்புகிறோம்.

4/12/07 2:44 PM
Delete
Blogger செல்லி said...

யோகன்
முருகனை யாருக்குத் தான் பிடிக்காது!
அழகன்,அருளகன்,ஆறுமுகன் முருகனைக் கும்பிடுவோருக்கு அடுத்தடுத்து வரும் பகையெலாம்
கழுத்தறுந்து போய் மடியுமாம்!
வரவுக்கு நன்றி.

குமரன்
முருகன் அருள் கூட்டுப் பதிவில் இணையும்படி தி.ரா.ச. சாரும் முன்பு கேட்டிருந்தார்.
முதலில் பாட்டுகள் கொஞ்சம் சேர்த்துவிட்டு உங்களுக்கு அறிவிக்கிறேன்.
நன்றி

4/12/07 3:37 PM
Delete
Blogger தி. ரா. ச.(T.R.C.) said...

அருமையான பாடல் முருகன் என்றாலே அழகு. அவ்னைப்பற்றிய பாடலும் அழகுதான்.படத்தில் முருகன் எவ்வளவு அழகாக இருக்கிறான்.

"வேலவனே வேலவனே வெற்றி வடி வேலவனே
புள்ளி மயில் ஏறிடும் வள்ளி மணவாளனே.சொக்கத்தங்கம் தெய்வாணை சொக்கும் வடி வேலவனே"

4/13/07 11:32 AM
Delete
Blogger செல்லி said...

தி. ரா. ச.சார்

இனிய தமிழ்ப் புத்தாண்டு வாழ்த்துக்கள்!

//அருமையான பாடல் முருகன் என்றாலே அழகு. அவ்னைப்பற்றிய பாடலும் அழகுதான்.படத்தில் முருகன் எவ்வளவு அழகாக இருக்கிறான்.//

முருகு என்றால் அழகு.முருகன் என்றால் அழகன்.
உலகளந்த வல்லவன்: ஞானப்பழத்திற்காக உலகத்தை வலம் வந்தவன்
தந்தை சுவாமி ஆனவன்:
தந்தைகே குருவானவன்.பிரணவத்தின் பொருள் என்னவெண்று தன் தந்தைக்கே உபதேசித்தவன்.
மேலும், நித்தியச்றீயின் குரல் இனிமை எனக்கு மிகவும் பிடிக்கும். 6 கட்டை சுதியில் அவர் பாடும்போது கேட்க அருமையாக இருக்கும்.
வரவிற்கும் கருத்திற்கும் நன்றி

4/13/07 1:56 PM
Delete
Blogger வெற்றி said...

செல்லி,
நல்ல பாடல். பகிர்ந்து கொண்டமைக்கு மிக்க நன்றிகள்.

உங்களுக்கும் உங்கள் குடும்பத்தினருக்கும் என் உளம் கனிந்த புத்தாண்டு நல்வாழ்த்துக்கள். உங்களின் கனவுகள் யாவும் நனவாகி குடும்பத்தில் மகிழ்ச்சி நிலவும் ஆண்டாக இந்த ஆண்டு அமைய இறைவனை வணங்கி நிற்கிறேன்.

4/13/07 3:21 PM
Delete
Blogger செல்லி said...

உங்கள் வாழ்த்துக்கு மிக்க நன்றி, வெற்றி

4/13/07 3:45 PM
Delete
Blogger Bharateeyamodernprince said...

ஆஹாஹா.. நல்லதொரு பாடல். நல்ல பதிவு. மிக்க நன்றி.

4/15/07 2:07 AM
Delete

திரைப்படங்களும் நோய்களும்

2009-09-11T23:28:00.000-07:00

திரைப் படங்கள் ஒவ்வொன்றும் அந்த்ந்தக் காலத்திற்கேற்ற மாதிரியான திரைக் கதைகளோடு அமைவது வழ்மை. ஆயினும் கால அடிப்படையின்றி, சில திரைப் படங்களில் நோயை அடிப்படியாகக் கொண்ட கதையில் படங்கள் அமைந்திருக்கின்றன. கீழே காட்டப்பட்டுள்ளவற்றை இதற்கு உதாரணங்களாகக் கொள்ளலாம். இவை நான் பார்த்த படங்களிற் சில.
அன்னியன் (தமிழ்)
இந்தப் படத்தில் கதாநாயகனுக்கு Multiple personality disorder என்ற நோய்.

வடக்கு நோக்கியாந்தரம்-Vaddakkunokkiyaantharam-(மலையாளம்)
இந்தப் படத்தில் கதாநாயகனுக்கு என்ன மன நோய் என்பது காட்டப்படவில்லை.படத்தின் முடிவில்கதாநாயகன் ஆஸ்பத்திரிக்கு எடுத்துச் செல்லப்படுவது ம்ட்டும் காட்டப்படுகிறது. நான் நினைகிறேன் இந்த் கதாநாயகனுக்கு பிடித்திருப்பது சிற்ஸ்பரேனியா -Schizophrenia- என்ற நோயாகத்தானிருக்கும். கதாநாயகனுக்கு திருமணம் நடக்கப் போகிறது வரப்போகும் மனைவி தன்னைவிட நிறமும் உயரமும் கூட இருக்கிறாள் என்பதால் அதே தாழ்வுமனப்பான்மை அவனை கவலையிலாழ்த்தி பல பல சந்தேகங்களுக்கு இடமளிக்கிறது. இறுதியாக இதுவே நோயினை தோற்றுவிக்கிறது.

வடக்கும் நாதன்- Vadakkumnathan -(மலையாளம்).
இந்தப் படத்தில் கதாநாயகனுக்கு Bipolar என்ற நோய்.திறமையுள்ள சமஸ்கிருத பேராசிரியராக மோகன்லால் நடிக்கிறார், இந்தக் கதை A Beautiful Mind என்ற ஹொலிவூட் ஆங்கிலப் படத்தின் சாயலை ஒத்திருக்கிறது. ஆனால் மலையாள சூழலுக்கேற்ப எடுக்கப் பட்டிருக்கிறது.

சாகம் -Sargam-(மலையாளம்).

இதில்நடித்தவர்கள்:விநீத், மனோஜ். கே.ஜெயன், ரம்பா.இந்தப் படம் 1992ல் வெளிவந்த ஹரிஹரனின் படம். இந்தப் படத்தில் கதாநாயகனின் நண்பனுக்கு Seizure என்ற நோய் உள்ளது, ஆனால் அவனுடைய முரட்டுக் குணத்துக்கும் இந்த நோய்க்கும் என்ன தொடர்போ தெரியவில்ல?

தன்மாந்தர -Thanmatra -(மலையாளம்). இதில் மோகன்லால், மீரா வாசுதேவன் நடிக்கிறார்கள்.
இந்தப் படத்தில் கதாநாயகன் மோகன்லாலுக்கு Alzheimer என்ற நோய்.

ஒரு அழகான மனம்- A Beautiful Mind - (ஆங்கிலம்) இதில் நடித்தவர்:Russell crowe. இந்தப் படத்தில் கதாநாயகனுக்கு Schizophrenia என்ற நோய். ஜோன் போப்ஸ் நாஷ் -John Forbes Nash ஆக நடிப்பவர்-Russell crowe-ஒரு கணித மேதை.இவர் பல வருடங்களாக இந்த நோயோடு எப்படிப் போராடி வெல்லுகிறார் என்பதோடு மட்டுமல்லாது நோபல் பரிசையும் தட்டிக்கொள்கிறார் என்பதுதான் கதை.
___________________________________________________________________________________
இதே கதையம்சமுள்ள இன்னும் பல புதிய பழைய படங்கள் இருக்கலாம். இப்படியான படங்களைப் பார்த்தவர்கள் உங்கள் கருத்துகளையும் சொல்லுங்களேன்.

"திரைப்படங்களும் நோய்களும்"
7 Comments - Show Original Post Collapse comments

Blogger kannabiran, RAVI SHANKAR (KRS) said...

Dr.செல்லி, :-)
வித்தியாசமான தலைப்பைத் தேர்ந்தெடுத்து உள்ளீர்கள்!

தமிழ் சினிமாவின் ஆஸ்தான் நோய் = கேன்சர் (பயணங்கள் முடிவதில்லை, வாழ்வே மாயம்....)
அதை விடுத்து அண்மைக் காலங்களில் புதிய அறிமுகங்கள் தரத் தொடங்கியுள்ளன.

கஜினி, பிதாமகன், இதயத்தைத் திருடாதே போன்ற படங்களும் பட்டியலில் சேர்த்துக் கொள்ளுங்கள்!

12/30/06 9:41 PM
Delete
Blogger செல்லி said...

ரவி
உங்க வருகைக்கும் கருத்துகளுக்கும் நன்றி.
ஆமாம் நீங்க குறிப்பிட்டதுபோல் இப்படி நிறையப் படங்கள் இருக்கின்றன.
உங்க ஒவ்வொரு பதிவுகளையும் தவறாமல் வாசிக்கிறேன்.ஆனா எல்லாவற்றுக்கும் பின்னூட்டம் எழுத நேரம்தான் கம்மி.
வரப்போகும் இனிய புத்தாண்டில் எழுத்தாளர் உலகில் மேலும் பிரகாசிக்க வேண்டுமென வாழ்த்துகிறேன்.

12/30/06 11:09 PM
Delete
Blogger கானா பிரபா said...

வித்தியாசமான சிந்தனை, உச்சக்கட்டம் என்ற படம் மனநோயாளர் விடுதியில் சில காட்சிகள் எடுக்கப்பட்ட பரபரப்பான படம்.
தமிழ்ப்படங்களில் கதாநாயகனைச் சாகடிக்க ஒரே வழி இப்படியான புது வியாதிகள்.

வடக்கும் நாதன் பற்றி என் பதிவு இதோ, வாசித்திருக்கிறீர்களா?

http://kanapraba.blogspot.com/2006/10/blog-post_29.html

1/2/07 1:14 AM
Delete
Blogger செல்லி said...

பிபா
வடக்கும்நாதன் பற்றிய உங்கள் பதிவைப் பார்த்தேன்.நன்றாக இருக்கிறது.
வியாதிக் கதைகளை வைத்து படம் எடுப்பதால் திடீர் திருப்பங்கள் பார்ப்பவர்களை தொடர்ந்து பார்க்கதூன்டும் என்றுஎண்ணுகிறார்கள் போலும்.
தனக்கிருக்கும் நோயை கதாநாயகன் இன்ங்கண்டு அதிலிருந்து எப்படி தன்னை விடுவித்துக்கொள்கிறான் என்பதாக இருந்தால்த்தான் மக்களுக்கு பயன்படும். உதாரணத்துக்கு A Beautiful Mind.
நன்றி

1/2/07 2:34 PM
Delete
Blogger செல்லி said...

மன்னிக்கவும் பிரபாவில் ர எழுதப்படவில்லை.

1/2/07 2:36 PM
Delete
Blogger Bharateeyamodernprince said...

அருமையான பதிவு.
கேன்ஸரை விட்டுத்தள்ளுங்கள். மற்றபடி சட்டென்று எனது நியாபகத்திற்கு வரும் படங்கள் - 'கீழ் வானம் சிவக்கும்' சரிதாவிற்கு `லிம்போசோகோமா' என்ற வியாதி இருக்கும். 'அக்னி சாட்சி' படத்தில் வரும் சரிதாவிற்கு ஒருவித `மெண்டல்' பிரச்சினை உண்டு.

'வடக்கும் நாதன்' பற்றியகானா பிரபாவின் blogஐ வாசித்தேன். பிரபாவிற்கு நன்றி!

1/3/07 7:20 PM
Delete
Blogger செல்லி said...

வணக்கம் பாரதீயமொடேண்பிரின்ஸ்
உங்க வருகைக்கும், கருத்துக்கும் மிக்க நன்றி. மீண்டும் வருக!

1/3/07 8:15 PM
Delete

குறையொன்றுமில்லை மறைமூர்த்தி கண்ணா

2009-09-07T17:16:00.000-07:00

இது ஒரு ராகமாலிகை. M.S. சுப்புலக்ஷ்மி பாடிய பாடலைக் கேட்க இங்கே சொடுக்கவும்.

மும்பாய் சகோதரிகள் பாடியபாடல் இங்கே கேட்கலாம்

ராகம்: சிறீரஞ்சனி

தாளம்: ஆதி
இயற்றியவர்: ராஜாஜி
பாடியவர்: M.S. சுப்புலக்ஷ்மி

பல்லவி

குறையொன்றுமில்லை மறைமூர்த்தி கண்ணா

குறையொன்றுமில்லை கண்ணா

குறையொன்றுமில்லை கோவிந்தா

அனுபல்லவி

கண்ணுக்குத் தெரியாமல் நிற்கின்றாய் கண்ணா

கண்ணுக்குத் தெரியாமல் நிற்கின்றாலும் எனக்கு

குறையொன்றுமில்லை மறைமூர்த்தி கண்ணா

சரணம் 1

வேண்டியதைத் தந்திட வேங்கடேசம் என்றிருக்க

வேண்டியது வேறில்லை மறைமூர்த்தி கண்ணா

மணிவண்ணா மலையப்பா கோவிந்தா கோவிந்தா

ராகம் காபி

சரணம் 2

திரையின் பின் நிற்கின்றாய் கண்ணா - கண்ணா

உன்னை மறையோதும் ஞானியர் மட்டுமே காண்பார் என்றாலும்

குறையொன்று;ம் எனக்கில்லை மறைமூர்த்தி கண்ணா என்றாலும்

குறையொன்றும் எனக்கிpல்லை மறைமூர்த்தி கண்ணா

குன்றின்மேல் கல்லாகி நிற்கின்றாய வரதா

குறையொன்றுமில்லை மறைமூர்த்தி கண்ணா

மணிவண்ணா மலையப்பா கோவிந்தா கோவிந்தா

ராகம்: சிந்துபைரவி

சரணம்4

கலிநாளுக் கிரங்கி கல்லிலே இரங்கி

நிலையாக கோயிலில் நிற்கின்றாய் கேசவா

குறையொன்றுமில்லை மறைமூர்த்தி கண்ணா

சரணம்5

யாரும் மறுக்காத மலையப்பா

உன் மார்பில் ஏதும் தர நிற்கும் கருணை கடலன்னை

என்றும் இருந்திட ஏது குறை எனக்கு

ஒன்றும் குறை இல்லை மறைமூர்த்தி கண்ணா

மணிவண்ணா மலையப்பா கோவிந்தா கோவிந்தா

கோவிந்தா கோவிந்தா

7 Comments - Show Original Post Collapse comments

Blogger செல்லி said...

இப்பாடலை இயற்றியவர்: ராஜாஜி
பாடியவர்:M.S.சுப்புலக்ஷ்மி

12/28/06 4:03 AM
Delete
Blogger செல்லி said...

மன்னிக்கவும், சொடுக்கவும் என்ற சொல் சொடுக்கவ என்பதுடன் நின்றுவிட்டது.

12/28/06 4:06 AM
Delete
Blogger நான் said...

செல்லி,

எனக்கு மிகவும் பிடித்த பாடல். தினமும் ஒரு முறை கேட்கிறேன்.

அது என்னங்க செல்லி, பெயர்க்காரணம் என்ன?

12/30/06 1:10 AM
Delete
Blogger kannabiran, RAVI SHANKAR (KRS) said...

அந்தந்த பகுதிகளுக்கு அந்தந்த ராகங்களின் பெயரையும் போட்டு அருமையாக இட்டுள்ளீர்கள் செல்லி!
வாழ்த்துக்கள்!

நீங்கள் அடியேனை அனுமதித்தால்,
கலிணாலுக்கு = கலிநாளுக்கு
வேங்கடேசன் என்றிருக்க = வேங்கடேசம் நின்றிருக்க

12/30/06 9:26 PM
Delete
Blogger செல்லி said...

//கலிணாலுக்கு = கலிநாளுக்கு
வேங்கடேசன் என்றிருக்க = வேங்கடேசம் நின்றிருக்க//
இது சரியா? என்ற சந்தேகமிருந்தது ஆனா சரியான சொல் எது என்று தெரியாத்தால் அப்படியே விட்டுவிட்டேன். பிழைகள் திருத்தியமைக்கு மிக்க நன்றி.

12/30/06 11:17 PM
Delete
Blogger செல்லி said...

நான்
வருகைக்கு நன்றி.
ஏற்கனவே சொன்னமாதிரி "செல்லி"அம்மாவோட செல்லப் பேருங்க.

12/31/06 10:13 PM
Delete
Blogger Chandravathanaa said...

கேட்டதும் பிடித்து விட்ட பாடல்களில் ஒன்று.
நன்றி.

10/23/08 9:45 PM

கந்த சஷ்டி - யாழ் அனுபவம்

2008-10-28T15:47:00.000-07:00

கந்த சஷ்டி விரதம் தமிழகத்தில் 30.10.08 முதல் 4.11.08 வரை அனுட்டிக்கப்படுகிறது. ஆனா இங்கு 29.10.08 ஆரம்பமாகிறது என்கிறார்கள்.
மூன்று சக்திகட்கு ஒரு நவராத்திரி போல,சிவனுக்கு ஒரு சிவராத்திரி போல, கந்தனுக்கு உகந்த விரதம் கந்த சஷ்டி. இது ஆறுநாட்கள் விரதம் இருப்பதாகும்.சகல பாவங்களையும் போக்கும் விரதம் எண்டு எங்களூரில் சொல்லுவினம்.ஐப்பசி மாதத்தில் தீபாவளி முடிந்து அமாவாசைக்கு அடுத்தநாள், பிரதமை திதி முதல் சஷ்டிதிதிவரை இந்த விரதம் இருப்பினம்.அநேகமாய் யாழ்ப்பாணத்தில் எல்லா முருகன் கோயில்களிலும் கொண்டாடப்படும் திருவிழாவாகும்.

இது 2005 இல் கோயில் கோபுர அழகுடனான தோற்றம்.

சுழிபுரம் பறாளாய் முருகமூர்த்தி கோயிலில் இந்த ஆருநாளும் முருகனுக்கு விசேடபூசைகள் இடம்பெறும். ஆறாம் நாள் சூரன்போர் நடைபெறும்.ஆறு தினங்களும் இரவில் சிலர் மிளகும் தண்ணீரும் என உபவாசமிருப்பவர்கள், சிலர் பாலும் பழமும் மட்டுமே உட்கொண்டு விரதமிருப்பவர்கள். வயதானவர் பயறு அவித்துச் சாப்பிடுவர். அதற்கும் இயலாதவர் ஒரு வேளை சோறு உண்பர்.அப்போ அங்கு மழைக்காலம் என்பதால் தண்ணீரும் அருந்தாமல் விரதம் இருந்தா நா வறண்டு போகாது. காற்றிலும் ஈரப்பதன் இருக்கும்.ஆனா இங்கு பிறிஸ்பேனில் கடும் வெயில் தொடங்கிவிட்டது.நீரும் அருந்தாமல் விரதமிருப்பது உண்மையிலேயே ஒரு கடுந் தவம்தான்.

பறாளாய்க் கோயிலில் முருகனடியார்கள் சிலர் வீட்டில் மச்ச மாமிசம் உண்பரால் துப்பரவு இருக்காது எண்டு கந்தர்சஷ்டி கவசம் பாடியபடி கோயிலியே ஆறு நாளும் தங்கி இருந்து விரதம் பிடிப்பர்.

இருப்பினும், ஊர் ஞாபங்கள் வரும்போது கண்களும் குளமாகும்.1997 குண்டு, செல் அடிபாடுகளால் இப்படியாக இந்தக் கோயில் கோயில் தேர் இருந்தன.

தமிழருக்கு ஒரு விடிவு கிடைக்க தமிழ்க் கடவுள் முருகனை மண்டாடுவம். அதற்காக சஷ்டி கவசம் பாடி ஆறு நாளும் முருகனை வேண்டி வழிபடுவோம்.

இன்று சன்னதி முருகனுக்கு தேர்த் திருவிழா

2008-09-13T15:52:00.000-07:00

பழைய ஞாபகங்கள் வரும்போது கவலையாயிருக்கிறது. முன்பு சன்னதி முருகனை தேரில் தந்த காட்சியைப் பாத்து கண்ணீர்மலக வழிபட்டேன். இன்று அங்கு போகவும் முடியாமல் படங்களைப் பாக்க கண்ணீர் வருகிறது.
நல்லூரில் தங்க வடிவில் வடிவேலன் சன்னதியில் வெள்ளி வடிவேலன்.படம் நன்றி: நல்லூர்க்கந்தன்

என்னைப் போல் உலகெங்கும் புலம்பெயர்ந்து வாழும் உன் அடியவர்க்கும் எம் தாயகத்தவருக்கும் சன்னதி வேலவா நீதான் அருள் புரிய வேண்டும்!

"பயந்த தனி வழிக்குத் துணை வடிவேலும் செங்கோடன் மயூரமுமே"
"சன்னதி வேலனுக்கு அரோகரா" இன்னமும் காதில் கேட்கிறது.
எங்கள் தாயகத்தில் பழம்பெரும் கோயில்களில் ஒன்றான சன்னதி ஆலயத்தைப் பற்றி சகவிடயங்களயும் அறிய கீழுள்ள இணைப்பை சொடுக்கவும்
சன்னதி வேலன்

நான் எழுதியவைகளில் எனக்குப் பிடித்தவை ---அரைபிளேடின் அழைப்பிற்கிணங்க

2008-02-07T02:27:00.001-08:00

எனக்கு இப்படி எழுத ஒரு வாய்ப்பைத் தந்த அரைபிளேடு அவர்களுக்கு முதலில் ஒரு கோடி வணக்கங்கள்!

நன்றாக எழுதிக் கொண்டிருக்கும் ஏனைய நண்பர்களைப்போல நான் எதுவும் பெரிசா எழுதியிருக்கிறேனா என்றால் என்னைப் பொறுத்தவரை இல்லை என்றுதான் சொல்லுவேன்.
இருந்தாலும், நான் அதிக நேரமெடுத்து ஆராய்ந்து எழுதியது முருங்கை பற்றிய பதிவுதான்.

அடுத்ததாக, ஒருவனுக்கு மேலான பதவியோ அல்லது எல்லாரையும் விட மேலான அதிகாரமோ வந்து விடுகிறது என்று வத்துக் கொள்ளுங்கள். அவனைச் சுற்றிச் சிலர் ஈ போல மொய்த்துக் கொண்டு திரிவர்.திரிந்தாலும் பரவாயில்ல, பிறகு தனக்கு கீழுள்ளவனை அல்லது பிடிக்காதவனுக்கு தான் இன்னாருடை ஆள் தெரியுமா எண்டு காட்டுற திமிர் இருக்கே அப்பப்பா பொறுக்கவே முடியாது. அப்பெல்லாம் சிவன்ர கழுத்தில இருக்கிற பாம்பு கருடனைப் பாத்து நக்கலா "எப்பிடிச் சுகம்?" எண்டு கேக்கிறதான் ஞாபகத்துக்கு வரும்.அவங்க காட்டில மழைபெய்யுது, அந்த மழை நமக்கும் வராமலா போகப் போகுது எண்டிட்டு இருக்கவேண்டியதான். இங்கு நான் வாழும் சமூகத்தில் ஏற்பட்ட சொந்த அனுபவத்தில வந்ததுதான் இந்தப் பதிவு

மேலும் எனக்குப் பிடித்த இலக்கிய பதிவுகள் எல்லாம் என் தாயின் நினைவாக எழுதப்பட்டவை.அத்தனை ஔவையின் பாடல்களும் சின்ன வயதில் அம்மாவிடம் கற்றுக் கொண்டதால் அவற்றை அனுபவித்து ரசித்து எழுதினேன். அதில் மிகவும் பிடித்தது இது!

அவுஸ்திரேலியாவில் எனக்கு மிகவும் பிடித்தமான விலங்கு பற்றியும் ஒரு பதிவு .என் சின்னஞ்சிறு மாணவர்க்கும் இந்த விலங்கு நன்றாகப் பிடிக்கும் என்பதாலும், தமிழில் எழுதி பதிவாகப் போட்டால் எல்லாருக்கும் பிடிக்குமே என்ற எண்ணத்திலும் இதை எழுதினேன். பலருக்கு உண்மையில் இந்த விலங்கு பற்றிய தகவல்கள் புதிதாக இருந்ததால் அதை எழுதியதற்கு பாராட்டியிருந்தனர். அத்தனை பேருக்கும் நன்றி.

அரைபிளேடுக்கும் எனக்குஅழைப்பு விடுத்ததிற்கு நன்றி

ஓற்ரிசம் (Autism - (அல்லது ஆட்டிசம்) உள்ள பிள்ளைகளுக்கு எப்படி கற்பிப்பது?

2008-01-30T01:24:00.000-08:00

இது ஒரு மூளைவளர்ச்சிக்குறைபாடு ஆகும்.அதாவது மூளை நன்கு தொழிற்படாத தன்மை (Dysfunctional brain )இதை நல்ல தமிழில் "தற்புனைவு ஆழ்வு" என்கிறார்கள். சிலர் இதை நோய் அல்ல என்கிறார்கள். 1943 ல் Dr.Kanner என்பவர் முதன்முதலாக இது பற்றிய தன் ஆய்வை வெளியிட்டார். உலகில் பல குழந்தைகள் ஓற்ரிசத்தால் பாதிக்கப்பட்டு வருகிறார்கள்.எனினும், ஆண் குழந்தைகளையே அதிகமாகப் பாதிப்பதாகக் கூறப்படுகிறது. இது உடலியக்க செயல்பாட்டில் ஏற்படும் கோளாறு. இதனால் குழந்தைகளுக்கு மற்றவர்களுடன் தொடர்பு கொள்ளும் ஆற்றல் இல்லாமல் போகிறது.
பிறந்தமூன்று வருடங்களுக்குள் ஒரு குழந்தையிடம் தென்படத் தொடங்கும் ஓற்ரிசம் என்ற இந்தக் குறைபாட்டிற்கு உடல்ரீதியான அறிகுறிகள்கிடையாது.ஓற்ரிசத்திற்குரிய மரபியல் காரணம் என Dr.Kanner குறிப்பிட்டுள்ளார்.ஆனால் காரணம் எதுவாயினும், பல பெற்றோர்கள் தம் பிள்ளைகளுக்கு "ஓற்ரிஸ்ரிக்" என லேபிள்(lable) அதாவது வகைப்படுத்துவதை விரும்புவதில்லை என அம்புலேற்ரறி என்ற சஞ்சிகையில் வந்த ஒரு ஆய்வு குறிப்பிடுகிறது.
ஆட்டிசத்தால் பாதிக்கப்பட்ட அநேகமான குழந்தைகளைப் பார்த்தால் அவர்கள்
நேருக்கு நேர் கண்வைத்து மற்றவர்களை அல்லது முன்னின்று பேசுபவர்களை பார்க்கமாட்டார்கள்,
ஏதாவது ஒரு சொல்லை அல்லது சொற்றொடரைத் சில சமயங்களில்
திரும்பத் திரும்பச் சொல்வர்,அல்லத ஏதாவது சத்தங்களையும் இப்படிச் செய்யலாம்,தலையை அல்லது கை,காலை ஆட்டி ஆட்டி வித்தியாசமான சத்தம் போடுவார்கள். சிலருக்கு ஏதாவது குறிப்பிட்ட பாடங்களில் அதீத திறமை இருக்கும், வரலாற்றுச் சிறப்புமிக்க பலருக்கு இதன் குணாதிசயங்கள் இருந்ததாகக் கூறப்படுகிறது. உதாரணமாக ஐசாக் நியூற்றன் ,சிலர் மனக் கணக்கு(கூட்டல்)நல்லாச் செய்வர். பேச்சுத்திறன் குறைவாகவோ அல்லது முழமையாக இழந்திருப்பர். சிலர் நீங்க சொன்னதை திருப்பிச் சொல்வர்,
சுற்றியிருக்கும் சடப்பொருட்களை ஆராய்வர், சில சமயங்களில் அவற்றின் அளவு, வடிவம், தன்மை பற்றி அறிவதில் ஆர்வமாயிருப்பர்.
இவர்களை தொடர்ந்து ஊக்குவிக்க வேண்டும்.தினமும் ஒரே மாதிரியான ஒழுங்கு முறைக்குப் பழக்கப்படுத்தினால், தமது அலுவல்களை அந்த ஒழுங்கில் செய்ய முனைவர். இதனால் ஆசிரியர் அந்த வேறுமாற்றத்தை அக் குழந்தைகளுக்கு முன்கூட்டியே திரும்பத் திரும்பச் சொல்லி அதற்குத் தயார்ப்படுத்துவர்.அந்த ஒழுங்கில் ஏதாவது மாற்றம் ஏற்பட்டால் அவர்களால் வேறுமற்றத்திற்கு ஒத்துப்போக முடிவதில்லை. உதாரணத்திற்கு,"கரன்,இண்டைக்கு உன்ர அம்மா 4 மணிக்குத்தான் வருவா. 3 மணிக்கு இண்டைக்கு வரமாட்டா" என திரும்பச் சொல்ல அக் குழந்தை அந்த மாற்றத்திற்கு தயாராகிவிடும்.
இல்லையேல்,மூர்க்கமாகிப் பக்கத்திலிருப்பவரைத் தாக்குவும் செய்வர்.சில குழந்தைகள் கையால் நிலத்தை விறாண்டுவர், சிலர் நெஞ்சில் அல்லது தலையில் ஓங்கி ஓங்கி அடிப்பர்.இக் குணமுள்ள பிள்ளைகளிடம் முற்பாதுகாப்பு (proactive) கற்பித்தல் முறகளைக் கடைப்பிடிப்பது நல்லது.

ஓற்ரிசத்தால் மூளையின் இயல்பான வளர்ச்சி பாதிக்கப்பட்டு, பேச்சு,அல்லது வேறு வகையில் சூழ இருப்பவரிடம் தொடர்பு கொள்ள இயலாத நிலை ஏற்படுகிறது. இதனால் ஓற்ரிசம் குறித்த விவரங்களைச் சிறு வயதிலேயே கண்டுபிடித்தால், அந்தக் குழந்தையின் வாழ்வில் நல்ல பயிற்சியின் மூலம் மேம்பாட்டினைஏற்படுத்தலாம்.படங்கள் மூலம் சொற்களைக் ற்பிக்கலாம்.(The pictures help develop word level vocabulary and early literacy skills. ) படங்களப் பயன்படுத்திக் கதைகள் சொல்லலாம்.சிறுவயதில் மொழி அறிவைப் புகட்ட இது உதவும் உதாரணத்துக்கு கீழுள்ள படங்களைப் பாருங்கள்.

அபிவிருத்தி அடைந்த நாடுகளான அமெரிக்கா, அவுஸ்திரேலியா போன்ற நாடுகளில் இவ்வாறு குறைபாடுள்ள பிள்ளைகளுக்கென "விசேட பள்ளிக்கூடங்கள்"(Special School") உண்டு். அங்கு விசேட பாடத்திட்டம் , கற்பித்தல் முறை பின்பற்றப்படுகின்றன. ஒவ்வொரு பிள்ளைகளுக்கும் அவர்களின் ஊனத்திற்கு ஏற்ப "தனிப்பட்ட கல்விதிட்டம்" (Indiviualized Education Plan -IEP) ) ஆசிரியர் எழுதிப் படிப்பிக்க வேண்டும்.

இனி, கீழுள்ள ஒலிவடிவத்தை (podcast) கேழுங்கோ.

அதில் சோமா முகபதியாய் தன் மகன் "ரிற்ரோ" வுக்கு "கெதியாச் சொல்லிக்கொடுக்கிற முறை"யைப் பற்றி ஆங்கிலத்தில் சொல்லுறா.இணைப்புக்கு
நன்றி: சிபி நியூஸ்

வெள்ளைக் கத்தரிக்காய்

2007-12-15T02:54:00.001-08:00

பிறிஸ்பேனில் இந்தக் கத்தரிக்காய் அருமையாகக் கிடைக்கிறது. இது காஸ்பர் (Casper)என்ற இனமாகும்.

இந்தப் பதிவை internet Explorer இல் பாருங்கள் . வீடியோவில் பார்க்கலாம்.
Fire fox இல் வீடியோ தெரியாது; பார்க்க முடியாது.

இந்தக் கத்தரிக்காயைப் பார்க்கும்போது எனக்கு மட்டுவில் வெள்ளைக் குண்டுக் கத்தரிக்காய்தான் நினைவுக்கு வருகிறது.இந்த இனத்தை கோஸ்ற்பஸ்ரர்(Ghostbuster) எனப்படுகிறது.இந்த மட்டுவில்க் கத்தரிக்காய் கறியை பூநகரி மொட்டைக் கறுப்பன் புழுங்கலரிசிச் சோற்றுடன் திண்டால் அப்பிடி ஒரு தனி ருசி!

அனுபவம்தான் வாழ்க்கை

2007-12-14T16:22:00.000-08:00

அடி தந்த பக்குவம்

அடி ஒன்று முதலில் விழ
அலறித் துடித்தேன்
அடி இரண்டு அடுத்து விழ
ஐயோவென்றேன் நோவினால்
அடிக்குஅடி மேலும் விழ
அழுதழுது கதறினேன்
அடி அடுத்தடுத்து கூடி விழ
ஆருமே வரவில்லை
அடி பட்ட புண்நோவால் அழுது
ஆண்டவனையும் கூப்பிட்டேன்
அடி நோவால் அடியெடுக்க முடியாமல்
அனாதையாக் கிடந்தேன்
அடி என்னை அடிக்க அடிக்க
அடி தாங்கியாகிவிட்டேன்
அடி யிப்போ இடியாக விழுந்தாலும்
அச்சமின்றி இருக்கின்றேன்
அடி தந்த பக்குவத்தை நான்
ஆரிடம்போய்ச் சொல்லுவேன்?

எழுதியவர்: செல்லி

வாழ்க்கை ஒரு போராட்டம். கவலையில்லா மனிதனில்லை. துன்பமில்லாத வாழ்க்கையில்லை. ஒவ்வொருவர் வாழ்க்கையிலும் ஒவொருவித துன்பம். சிலரது வாழ்வில் ஆரம்ப காலத்தில் துன்பம்; ஒரு சிலருக்கு பிற்காலத்தில் துன்பம்; இன்னும் சிலருக்கு வாழ்க்கை முழுவதுமே தொடர்ந்து துன்பம்தான். துன்பம் அனுபவிக்கும்போது அந்த அனுபவத்தில் மனித மனம் பக்குவமடைகிறது. அதைத்தான் இக் கவிதை காட்டுகிறது.
_____________________________________________________________________________
நீங்களும் இந்தக் கவிதையைப் படித்து உங்கள் கருத்தையும் சொல்லுங்களேன்

"அனுபவம்தான் வாழ்க்கை"
13 Comments - Show Original Post Collapse comments

Blogger செல்லி said...

மன்னிக்கவும்,அனுபவம் என்பதற்குப் பதிலாக அநுபவம் என்று எழுதிவிட்டேன்.

12/28/06 3:45 AM
Delete
Blogger Soorya said...

அடி கவிதை நல்லாக வந்திருக்கிறது.
நிறையு வாசிப்பதன் மூலமும் எழுதுவதின் மூலமும் மேலும் உங்கள் எழுத்தாற்றலை வளர்த்துக்கொள்ள முடியும்.
வாழ்த்துகள்.

12/29/06 3:39 AM
Delete
Blogger பகீ said...

வாருங்கள் செல்லி. தமிழ் பதிவுலகிற்கு.

edit post இல் சென்று மாற்றி விடுங்களேன்.

ஊரோடி பகீ

12/29/06 8:38 AM
Delete
Blogger செல்லி said...

வணக்கம் சூரியா
இந்தக் கன்னிப் பதிவுக்கு முதலில் வந்த உங்கள் கருத்துக்கு மிகவும் நன்றி. மீண்டும் வாருங்கள்.

12/29/06 1:55 PM
Delete
Blogger செல்லி said...

வணக்கம் பகீ
இந்தக் கன்னிப் பதிவை முதன்முதலில் வரவேற்று பின்னூட்டம் அளித்திருக்கீறீர்கள். நன்றி.
ஆமாம், edit post க்குப் போய் சில பிழைகள் திருத்தியிருக்கிறேன்.ஆலோசனைக்கு நன்றி.மீண்டும் வாருங்கள். ஆலோசனை தாருங்கள்.

12/29/06 2:04 PM
Delete
Blogger அரை பிளேடு said...

முதல்ல பதிவு எழுத வந்து இருக்கற உங்களை வரவேற்கிறேன். தொடர்ந்து எழுதுங்கள்.

கவிதை அருமை. வாழ்க்கையென்றால் அடிகள் கட்டாயம் இருக்கும். அதை எப்படி நாம எதிர் கொள்ளறோம் அப்படின்றதுதான் முக்கியம்.

வெறுமனே அடங்கி அடிதாங்கும் பக்குவத்தை வளர்த்துக்கொள்ளுதல் தவறு. அடிகளை வெல்லும் பக்குவமே தேவை.

நிறைய எழுதுங்கள். கவிதைகள் வலியை மட்டுமன்றி வழியையும் சொல்லட்டும்.

12/29/06 3:42 PM
Delete
Anonymous செல்லி said...

உங்க பேரைச் சொல்ல நாக்கில் வெட்டு விழுகிறது, அதனால் வபிந (வலைப் பதிவு நண்பரே)என்று கூப்பிடுகிறேன்.
வபிந
நீங்க சொல்லுவது முற்றிலும் உண்மை.அதாவாது அடி விழுந்து - துன்பத்தால்- விழுந்தாலும் உடனே எழுந்து விட வேண்டும்.துவண்டுவிடக் கூடாது.பின் வாழ்க்கையே தோற்றுவிடும்; துன்பம் எமை வென்றுவிடும்.
ஒவ்வொரு தடவையும் நீ விழும்போதும், அத்தனை வீழ்ச்சியிலிருந்தும் எப்படி நீ எழும்புகிறாய் என்பதில்த்தான்
உண்மையான் வெற்றி அடைகிறாய் என்று யாரோ ஒரு அறிஞர் சொல்லுகிறார்.
அப்படி எத்தனை தடவை வென்றுவிட்டேன். அதனால்த்தான் வாழ்வில் என்னக்குப் பக்குவம் வந்துவிட்டது உங்கள் கருத்துக்கு மிக்க நன்றி. மீண்டும் வாங்க.

12/29/06 6:19 PM
Delete
Blogger நான் said...

வாருங்கள்,
பதிவுலகிற்கு வந்ததற்கு வாழ்த்துக்கள்,

நல்ல கவிதை, நிறைய எழுதுங்கள், பகிர்ந்து கொள்வோம்.

இனிய புத்தாண்டு வாழ்த்துக்கள்.

12/30/06 1:05 AM
Delete
Blogger செல்லி said...

வாருங்க நான். வருகைக்கு நன்றி.உங்க இன்னொரு பின்னூட்ட்த்தையும் படித்து publish பண்னினேன் ஆனா அது இங்கு வரவில்லை. புது வீடில்லையா இன்னும் நிறைய பழக வேண்டியிருக்கு.
செல்லி எங்க அம்மாவோட செல்லப் பேருங்க.
உங்கள்க்கும் புத்தாண்டு வாழ்த்துக்கள்!

12/30/06 4:10 AM
Delete
Blogger kannabiran, RAVI SHANKAR (KRS) said...

நல்ல கவிதை செல்லி!
நண்பர்கள் சொன்னது போல் பழகப் பழகப் பதிவுத் தமிழ் உங்க பக்கம் வந்து விடும்!

வாழ்த்துக்கள்!

12/30/06 9:30 PM
Delete
Blogger செல்லி said...

//நண்பர்கள் சொன்னது போல் பழகப் பழகப் பதிவுத் தமிழ் உங்க பக்கம் வந்து விடும்!//
ஆமாம் , நானும் அப்படித் தான் நினைக்கிறேன்.
உங்க கருத்துக்கு மிகவும் நன்றி.

12/30/06 11:13 PM
Delete
Blogger தி. ரா. ச.(T.R.C.) said...

அடிமேல் அடி விழுந்தாலும் அடிமேல் அடி வைத்து வழ்க்கையில் முன்னே அடி எடுத்து வைக்கவேண்டும்.
அருமையாண கவிதை. த்ங்களுக்கு கர்னாடக சங்கீதம் பிடித்தால் என் வலைப்பதிவுக்கு வாருங்கள்

12/31/06 11:34 AM
Delete
Blogger செல்லி said...

வணக்கம் தி.ரா.ச
கருத்துகளுக்கு மிக்க ந்ன்றி

//தங்களுக்கு கர்னாடக சங்கீதம் பிடித்தால் என் வலைப்பதிவுக்கு வாருங்கள்//
நிச்சயம் வருகிறேன்

12/31/06 10:17 PM
Delete

தீபாவளி நல்வாழ்த்துக்கள்!

2007-12-14T16:19:00.000-08:00

ஆர் ஆருக்கு எல்லாம் வாழ்த்துச் சொல்லவேணும் எண்டு யோசித்துப் பாத்திட்டு ஒரு பேர்ப் பட்டியல் போட்டிருக்ககேன்
முதலில் தமிழ்மண நிர்வாகிகட்கும்
செந்தழல்ரவி *(எதிராக) சிந்தாநதி
கானாபிரபா மலைநாடான் கொழுவி
சயந்தன், வசந்தன், சிநேகிதி
கீதா,வல்லிசிம்ஹன் துளசி
மாசிலா,குமரன் ,தி.ரா.சா
துர்க்கா, மழைஷ்ரேயா தூயா
நா.கண்ணன் கண்ணபிரான்
கோவிகண்ணன் இ. கொத்தனார்
யோசிப்பவர் யோகன் பாரிஸ்
சீனா ஜீவா காரூரன் சிறில் அலெக்ஸ்
வி.ஜே. சின்னக்குட்டிவெற்றி
எஸ்.வி.சுப்பையா ஞானவெட்டி
எல்லோருக்கும் நல் தீபாவளி வாழ்த்துக்கள்!
(செந்தழல்ரவி (எதிராக) சிந்தாநதி என்பதன் விளக்கம்: செந்தழல் என்றால் நெருப்பு அதற்கெதிராக சிந்தா நதி என்றால் தண்ணி . அதனால்த்தான் (எதிராக) என்று போட்டிருக்கிறேன். மற்றபடி தப்பாக ஏதும் நினைத்து விடாதீர்கள்.)

14 Comments - Show Original Post Collapse comments

Blogger பாரதிய நவீன இளவரசன் said...

உங்களுக்கும், உங்கள் குடும்பத்தாருக்கும், நண்பர்களுக்கும் எனது இனிய தீபாவளித் திருநாள் வாழ்த்துக்கள்!

11/7/07 9:35 AM
Delete
Blogger செல்லி said...

பாரதிய நவீன இளவரசன்
உங்க வருகைக்கும் வாழ்த்துக்கும் மிக நன்றி

11/7/07 1:42 PM
Delete
Blogger கானா பிரபா said...

உங்களுக்கும், உங்கள் குடும்பத்தாருக்கும் எனது இனிய தீபாவளி வாழ்த்துக்கள்!

11/7/07 3:22 PM
Delete
Blogger செல்லி said...

உங்க வாழ்த்துகளைப் பாடித்ததும் மிக்க மகிழ்ச்சி. வருகைக்கு நன்றி பிரபா.

உங்க குடும்பத்தினருக்கும் என் இனிய நல் தீபாவளி வாழ்த்துகள்!

11/7/07 7:43 PM
Delete
Blogger தி. ரா. ச.(T.R.C.) said...

அன்புத்தங்கை செல்விக்கும் அவர்தம் குடும்பத்துக்கும்இனிய தீபாவளி வாழ்த்துக்கள்

11/8/07 1:10 AM
Delete
Blogger செல்லி said...

வணக்கம் தி.ரா.சா சார்

என்கே வந்து வாழ்த்தாம போயிடுவீங்களோன்னு நினைச்சேன்...........
வந்து வாழ்த்திட்டீங்க அது போதும்!, ரொம்ப நன்றி, சார்.
மீண்டும்
தங்கமணி அம்மாவுக்கும் உங்களுக்கும், உங்க குடும்பதவர் அனைவருக்கும் என் இனிய தீபாவளி வாழ்த்துக்கள்!

11/8/07 2:33 AM
Delete
Blogger யோகன் பாரிஸ்(Johan-Paris) said...

செல்லி!
தங்கள் குடும்பத்தாருக்கும் இனிய வாழ்த்துக்கள்.

11/8/07 3:42 AM
Delete
Blogger குமரன் (Kumaran) said...

வாழ்த்துகளுக்கு மிக்க நன்றி செல்லி. உங்களுக்கும் இனிய தீபத்திருநாள் நல்வாழ்த்துகள்.

11/8/07 1:52 PM
Delete
Blogger செல்லி said...

யோகன், குமரன்
உங்க வாழ்த்துக்கும் வருகைக்கும் மிக்க நன்றி.

11/8/07 9:33 PM
Delete
Blogger நானானி said...

செல்லி!
உங்கள் லிஸ்டில் நான் இல்லை. இருந்தும் என் பதிவிற்கு வந்து வாழ்த்தியதற்கு நன்றி! உங்களுக்கும் உங்கள் குடும்பதாருக்கும் என் இனிய தீபாவளி நல்வாழ்த்துக்கள்!!

11/9/07 9:54 AM
Delete
Blogger செல்லி said...

வாங்க நளாயினி, நன்றி

லிஸ்ரில இருக்கிறவங்களில் 4 -5 பேரைத்தவிர மற்றவர்கள் எஅன் பதிவுகளுக்கு முன்பு பின்னூட்டமிட்டவர்கள்
இன்னும் சிலரின் பேரையும் போட மறந்துவிட்டேன்
லிஸ்ரில இல்லாட்டி என்ன வாழ்த்திவிட்டீங்க , அது போதுமில்லியா.:-)

11/9/07 3:49 PM
Delete
Blogger வி. ஜெ. சந்திரன் said...

உங்களுக்கும், உங்கள் குடும்பத்தாருக்கும் எனது இனிய தீபாவளி வாழ்த்துக்கள்!

11/9/07 3:54 PM
Delete
Blogger cheena (சீனா) said...

அட - லிஸ்ட்லே என் பேரும் இருக்கு
செல்லி, இனிய இதயங்கலந்த தீபத் திருநாள் நல் வாழ்த்துகள். ( லேட்டா சொன்னாலும் லேட்டஸ்டா சோலுவேன்)

11/9/07 5:12 PM
Delete
Blogger செல்லி said...

வாங்க வி.ஜே, சீனா
உங்களை நன்றி மறவாம வாழ்த்தியிருக்கிறன்.

நீங்களும் பதிலுக்கு வந்து வாழ்த்திமகிழ்வித்தமைக்கு நன்றி

11/9/07 5:41 PM
Delete

கண்ணாமூச்சி ஏனடா & மீற் த பேரன்ஸ் (Meet the Parents ) ஒரு ஒப்பீடு்

2007-12-06T19:23:00.000-08:00

கண்ணாமூச்சி ஏனடா என்ற படம் மீற் த பேரன்ஸை தழுவியதாக உள்ளது.
மீற் த பேரன்ஸை Jay Roach இயக்கத்தில் Robert De Niro,Ben Stiller , Teri Polo, Blythe Danner, Nicole Dehuff, Jon Abrahams ஆகியோர் நடித்த அமெரிக்க நகைச்சுவைத் திரைப்படம்தான் "மீற் த பேரன்ஸ்" ( Meet the Parents)

இது 15மார்கழி 2000 த்தில் வெளிவந்தது. இரு படத்திலும் மகளின் காதல் தகப்பனின் கண்டிப்புக்கும் தாயின் தாராள மனதிற்கும் இடயில் ஊசலாடுகிறது. மேலும், மகளின் காதலனை ஏற்காமல் புறக்கணிக்கும் கண்டிப்பான தந்தை தாராள குணமிக்க தாய் போன்ற கதா பாத்திரங்கள், பெரியோர் காதல் இளையவர் காதல் என்பன இரு படத்திலுமே இடம்பெறுகின்றன. இரண்டுமே நகைச்சுவையான திரைப் படம்.

மீற் த பேரன்ஸில் கண்ணாமூச்சி ஏனடாவில்

பென் ஸ்ரில்லர்(Ben Stiller) பிருத்வி
ரொபெட் டி நிரோ (Robert De Niro) சத்தியராஜ்
ரெறி போலோ (Teri Polo) சந்தியா
ப்ளித் டனர் (Blythe Danner) ராதிகா

இப் படத்தில் மகளின் காதலனை(கிறேக்- Greg,)ஏற்றுக்கொள்ளாத கண்டிப்பான தகப்பனாக ரொபெட் டி நிரோ (Robert De Niro) குத்தல், குதர்க்கப் பேச்சுடன் பென் ஸ்ரில்லர்(Ben Stiller) ஐ வெறுத்து ஒதுக்கும் விதம் சிரிப்பில் பார்ப்போரை வயிறு குலுங்கச் செய்யும். திரைவசனங்களுக்கு ஏற்ற நகைச்சுவை நடிப்பு , வித்தியாசமான நகைச்சுவை பாத்திரத்திரங்கள் இப்படத்தின் வெற்றிக்கு பின்னணியாக இருக்கின்றன என்றால் தவறாகாதயில் த்ங்காமல், தன் வித்தியாசமான நகைச்சுவை பாத்திரத்தை உருவாக்க தன் பலத்தை பயன்படுத்தியிருக்கிறாடர் என்பது வெளிப்படைபெற்றிருக்கு. மகளின் காதல் தகப்பனின் கண்டிப்புக்கும் தாயின் தாராள மனதிற்கும் இடயில் ஊசலாடுகிறது.அதை எப்படி பெற்றாரின் காதலை வைத்து தன் டகாதலைவெற்றியாக்கும் நாயகன்.

கண்ணாமூச்சி ஏனடா
கண்டிப்பான காவல்துறை அதிகாரியாக சத்யராஜ் தாராள குணமிக்க அன்பு மனைவி ராதிகா. இவர்களின் மகள் சந்தியா.மலேஷியாவில் படித்துக் கொண்டிருக்கும்போது சந்தியா பிருத்விராஜை சந்திக்க நேர்கிறது. பிருத்வி சந்தியாவைக் கண்டதும் ஆரம்பத்திலேயே தன் தகப்பனைப் பத்திச் சொல்லி பயமுறுத்துறார்."எங்க அப்பாகிட்டமட்டும் நீ மாட்டினே, தோலை உரிச்சிடுவாரு", "சென்னையில ஆறுமுகம்னு கேட்டுப்பாரு"மிக கண்டிப்பானவர் என்கிறதை தெரியப்படுத்தப்படுகிறது. யாரோ ஒருத்தனோட மகளின் காதலை வெறுக்கும் அப்பா அக்காதலை ஒதுக்கபிருத்விராஜை போலீஸ் கரவுப் புத்திடயோடு புறக்கணிக்கும் ஒவ்வொரு செயலும் வயிறு குலுங்கச் சிரிக்க வைக்கிறது. ஆனால் இந்த முயற்சி அவரது மனைவி அவரை விட்டுப் பிரிந்தவுடன் தோற்றுவிடுகிறது.ஆனால் பிருத்வி தன் காதல் தோற்றாலும் காதலியின் பெற்றோரை இணைத்து வைக்க முயன்று , மாமனார் மனதில் டபிள் ஓகே ஆகிவிட்டார்- இதுதான் கதைச் சுருக்கம்.சத்டியராஜின் நக்கல் நடிப்பும், வில்லன் தன்மையும் கண்டிப்பான சுபாவமுள்ள இந்தப் பாத்திரத்திற்கு பொருந்துகிறது.. பிருத்வி சத்யராஜின் தந்திரங்களுக்கு ஈடுகொடுத்தும், யதார்த்தமான சூழ்நிலைகளில் இயல்பாகவும் நடித்துச் சிறப்பிக்கிறார். இதில் அரிவாள் வெட்டு, இரத்த களரி, ஆபாசம் ஏதுமில்லாம இருப்பது மெச்சத்தக்கது. குடும்பத்தோட சேர்ந்து பாக்கக் கூடியதாக இருக்கிறது.
படங்கள் நன்றி:
கூகிள் இமேஜ்
cinesnacks

சுப்ப மாக்கெற்றின் (supermarket) வியாபார தந்திரம்

2007-11-01T04:15:00.000-07:00

ஷொப்பிங் (shopping)செய்பவர்கள் "எப்படிச் சிக்கனமாக ஷொப்பிங் செய்யிறது பற்றிக் கட்டாயம் தெரிஞ்சிருக்க வேணும்.

சுப்ப மாக்கற்றில் குறிப்பிட்ட ஒரு ஒழுங்கு முறையில் பொருட்களை அடுக்கி வைத்திருக்கிறார்கள். முக்கியமாக, சுப்பர் மாக்கற்றில எந்தெந்த பொருட்களை எந்தெந்த இடத்தில வைக்கிறதெல்லாம் வியாபார தந்திரம் தான். இது தெரியாட்டி இரண்டு லீற்றர் பால் வாங்கப் போய் கடைசியில ற்டொலி நிறையா உடனே தேவைப்படாத எல்லாம் வாங்கிக் கொண்டு வாறதாகத் தான் முடியும். அப்படிப்பட்டவர்கள் கீழே குறிப்பிடப்ப்டுகிற வாடிக்கையாளராகத் தான் இருக்க முடியும்.

" என்ன, சுப்பெர் மாக்கெற்றுக்கை பால் வாங்க போனா, உடன போய் எடுத்து வாங்க முடியுதா?. அதென்ன ரண்டு லீற்றல் பால் வாங்கிறதென்றால்.முன்வாசலில இருந்து கடை.......................சித் தொங்கலுக்குப் போகவேண்டி இருக்கு..

அந்தத் தொங்கலுக்கு போறதில கண்ணில படுறதெல்லாம் வீட்டுக்குத் தேவைபோல தெரியும், பின்ன கை சும்மா கிடக்குமா? அத்தனையையும் தூக்கி ற்ரொலி (trolley)க்கை போட்டுவிடும்.

போதாததுக்கு, பாட்டு வேற சுப்ப மாக்கற்றில போட்டு விடுறாங்கள், அதுவும் மிகவும் பிடிச்ச பாட்டுப் போச்சுதென்றால், ம்...... பாலுக்கென்ன இப்ப அவசரம் என்றமாதிரி,பாட்டையும் "ஹம்மிங்" செய்து கொண்டு,போற வழி நெடுக மலிவான விலைபோட்ட பொருளை எல்லாம் பிறகு தேவைப்படும் தானே எண்டும்; 50% தள்ளுபடியிலயும் ஒண்டு வாங்கினா இன்னெண்டு இலவசத்துக்கு மயங்கியும் உடன தேவையோ எண்டு கூட யோசிக்காமல், அதுகளையும் ஒவ்வொன்றாக எடுத்தப் போட்டு ற்டொலியை நிறையச் சாமான்களோடு " கவுண்டருக்கு" வாறதே ஒரு ஷொப்பிங்(shopping) பழக்கமாப் போயிடுச்சு..

அதுமட்டுமா, கவுண்டருக்கு பக்கதில வைச்சிருக்கிற சொக்கிலட்டில ஒண்டிரண்டும், ஃபிலிம் ரோல்,சஞ்சிகை (magazine) ஒண்டும் எடுத்துபோட்டு விடுறதால் ற்ரொலி நிரம்பிவிடும்;எக்கச் சக்கமான காசும் செலாவாகி, நேரமும் தேவையில்லாம செலவழிச்சு, கடைசியில சுப்ப மாக்கற்றுக்கு வருமானம் அதாவது உழைப்புக் குடுத்ததாகத் தான் முடிகிறது.

இதைவிட 20 சதம் கூடினாலும் பக்கத்துச் சில்லறைக் கடையில (convenience store or Milk Bar) இரண்டு லீறறர் பால் வாங்கினா சுப்பர் மாக்கற்றுக்குப் போற பெற்றோல் காசும், தேவையில்லாச் சாமான்களை வாங்கிற காசும், எவ்வளவோப மிச்சமாகும்.

இத்தோட
* ஒண்டு வாங்கினா இன்னொன்ரு இலவசம்
* தேயிலையோட சேர்த்து "கப்" cup இலவசம்
*50% மலிவு விற்பனை
* கிறிஸ்மஸ் மலிவு விற்பனை
எண்டமாதிரியான மலிவு விற்பனைகளும் பம்மாத்துகளிலும் ப வாடிக்கையாளர் ஏமாந்து போகின்றனர்.
"பொருட்களை அவசியம் தேவை என்றால் மட்டுமே வாங்குவது நல்லது"

விளையாட்டு ரசிகர்களுக்காக ....உதைபந்தாட்டம் . பார்த்துச் சிரிங்க

2007-10-30T01:40:00.000-07:00

அநேகமானவர்களுக்கு ஐரோப்பிய உதைபந்தாட்டம் பார்க்கப் பிடிக்கும். இந்த வீடியோவைப் பாருங்க சிரிக்காம இருக்கமுடியாது.(ballet) பலே நடனம், ஒப்ரா(opera) music இவற்றுடன் இன்னும் பல இருக்கு சிரிக்க

நன்றி: phunk.dk

நவராத்திரி அனுபவம்

2007-10-13T15:04:00.000-07:00

நவராத்திரி விழா
சக்தி வழிபாட்டுகுரிய விரதங்களில் நவராத்திரி விரதம் மிகவும் முக்கியமானது. நவராத்திரி சக்தியை வழிபடத் தகுந்த ஒன்பது ராத்திரியும் (நவம் என்பது ஒன்பது)இரவு நேரத்தில் தான் பூஜை செய்யப்படும். இந்த ஒன்பது நாளும் விரமிருந்து கொண்டாடுர். புரட்டாசி மாதத்தின் வளர் பிறையில் பிரதமை திதியில் ஆரம்பித்து ஒன்பது திதியுடன் பத்தாவது திதியான தசமி திதியடன் நிறைவுபெறுகிறது இந்த நவராத்திரி விழா.
முதல் மூன்று நாட்கள் துர்க்கையின் வழிபாடு.அடுத்த மூன்று நாட்கள் லட்சுமி வழிபாடு.அதற்கடுத்த மூன்று நாட்கள் சரஸ்வதி வழிபாடு. பத்தாம் நாளான விஐய தசமி அன்று புதிய வித்தைகள், கலை,கல்வி கற்பதைத் தொடங்குவார்கள்.

வீட்டில், பள்ளிக்கூடத்தில் பத்து நாட்கள் கொண்டாடப்படும் விழாவாக நவராத்திரியைத் தவிர வேறு விரத விழாவும் இல்லை என்றே சொல்லலாம்.யாழ்ப்பாணத்தில் நாம் இதனைக் கொண்டாடும்போது தமிழ்நாட்டில் நடப்பது போன்று கொலு எதுவும் வைப்பதில்லை.முதல் நாளன்று தலை வாழை இலை ஒன்றின் மேல் மண்ணை ஈரமாக்கி நவதானியங்களைக் கலந்து, அந்த மண்ணின் மேல் கும்பத்தை வைத்துக் கொள்வோம்.அந்தக் கும்பத்திற்கு சந்தனம் குங்குமம் இட்டுக் கொள்வோம்.அந்த வாழை இலையில் வெற்றிலை பாக்கு வாழைப் பழம் பத்து நாளும் புதிதாக வைப்போம். ஒவ்வொரு நாள் இரவும் சக்கரைப் பொங்கல், வெண் பொங்கல்,அவல், சுண்டல், பழங்கள் இவற்றில் ஏதாவது பிரசாதமாக படைத்து, குடுபத்தவர் ஒன்றுகூடி, பசனைகள் பாடி சக்தியை வழிபடுவோம்.

படிக்கின்ற மாணவர்கள் கட்டாயமாக விரதமிருந்து நவராத்திரி வழிபாட்டைச் செய்வேண்டும் என்பது பரவலான எதிர்பார்ப்பாகும்.ஒன்பதாம் நாள் வீட்டுக்கு கடைசி நாள்.பள்ளிக்கூடத்தில் படிக்கிற புத்தகங்கள் எல்லாம் கும்பத்திற்கு முன்னாலே வைப்போம். அதனால் நிறையப் பிரசாதங்கள் செய்து படைப்போம். பின் அவற்றை அண்டை அயலவருக்கும் கொடுத்து உண்பதிலும் ஒரு தனி இன்பமே.இவற்றில் அவல்,சுண்டல்க்கடலை இவற்றுக்குத் தான் பலரும் ஆசைப்படுவர். ஏனென்றால் இவை இரண்டையும் யாழ்ப்பணத்தில் நவராத்திரி நாட்களித்தான் காணலம்.
பத்தாம் நாள் வீட்டில் வழிபட்டபின் அந்த நவதானிய முளைகளைப் பிடுங்கி புத்தகங்களில் வைப்போம். கல்வி நிறைய வருமாம் என்று ஒரு நம்பிக்கை. ஒவ்வொரு வருட நவராத்திரியும் எனக்கு அந்தக் காலத்தில் நாம் வீட்டிலும், பள்ளிக்கூடத்திலும் எப்படியெல்லாம் குதூகலமாக கொண்டாடினோம் என்பதை நினைவு படுத்தும்.அங்கு அப்போதெல்லாம் பலரிடம்ஆன்மீக அனுபவத்தைக் காட்டிலும் ஒரு வித கொண்டாட்டக் களிப்புத் தான் அதிகம் மேலோங்கி இருந்தது என்பது என் கருத்தாகும். இந்த அனுபவம் வீட்டுக்கு வீடு வேறுபடக் கூடும்.

பள்ளிக்கூடத்தில் ஒரு மண்டபத்தில் மேசை ஒன்றின் மேல் கும்பத்தை வைத்து,ஒன்பது நாளும் காலை எல்லா வகுப்பினரும் ஒன்றுகூடி பசனைகள் பாடித் துதிப்போம்.ஒன்பதாம் நாள் பசனைகள் முடிந்ததும் பாட்டு, நடனம் போன்ற கலை நிகழ்ச்சிகள் இடம்பெறும்.கடைசி நாளான விசயதசமி அன்றுதான் பிரசாதங்கள் நிறையச் செய்து படைக்கப்படும்.பன்னிரண்டாம் வகுப்பு மணவர்கள்தான் இதற்கான ஒழுங்குகளை சில ஆசிரியர்களின் உதவியுடன் செய்வார்கள். இந்தப் பத்து நாளும் திரும்மத்திரும்ப சலகலாவல்லி மாலையைப் பாடிப்பாடி அது மனப்பாடமாகவெ வந்துவிடும்.

வீட்டில் இந்த விழா கொண்டாடப்படுமபோது வீடு கோயிலைப் போல களை கட்டிவிடும் என்று கூட சொல்லாம்.

அனோனிகளின் அநியாயம், ஆனால் எனக்கது உற்சாகம்

2007-10-09T03:01:00.000-07:00

இன்று நான் இட்ட் பதிவுக்கு மோசமான அனானியின் பின்னூட்டங் காரணமாக அப் பதிவை delete செய்திருக்கிறேன் என்பதை அன்போடு அதற்க்குப் பின்னூட்டமிட்ட எல்லோருக்கும் மன வருத்தத்துடன் அறியத் தருகிறேன்
பெண் பதிவர்களை இவர்களுக்குப் பிடிக்காதோ?
இதற்காக பதிவே இனிப் போடமாட்டேன் என்று மட்டும் அனோனிகளே எண்ணவேண்டாம். உங்களின் கீழ்த்தரமான செயல் மேலும் மேலும் என்னை எழுதத் தூண்டுகிறது என்பதையும் உங்களுக்குச் சொல்ல விரும்புகிறேன். ஒரு விதத்தில் பார்த்தால் என்னை உற்சாகப் படுத்திவிட்டீர்கள் என்றே சொல்வேன். அதற்கு மிக நன்றி

"என்னிரத்தம்" கவிதை

2007-05-30T04:52:00.001-07:00

பாட்டனைப் பார்க்கவே
பேரனும் பிற
நாட்டிலிருந்தே வந்தான்.
பார்க்கப் பரவசந் தரும்
பிஞ்சு முகம்.
கேட்கப் புளகாங்கிதம்
மழலைத் தமிழ்.

வீட்டில் வேலைசெய்ய
வந்து நிற்பான்
தானும் கூடவே.
தன்பாடும் தானுமாய்
இருந்த எனக்கு
தெரியுமாம் என்றான்
எல்லாந் தனக்கு.

வெட்டவேதும் என்றுபோனா
கத்தி கவனம், தாத்தா!
குனிந்தேதும் எடுக்கப்போனா
நாரி கவனம், தாத்தா!
சாப்பிடவென்று கையைவச்சா
கொட்டிண்டும் கவனம்,தாத்தா!
கைகழுவும் போதுகூட
சட்டை கவனம், தாத்தா!

அப்பனுக்குப் பாடஞ்சொன்னான்
அந்தச் சுவாமியப்பன்
அப்பனின் அப்பனெனக்கே
பாடஞ்சொல்லுஞ் சுப்பனாரிவன்?
என்னிரத்தம் அவனப்பனில்,
அவனிரத்தம் சுட்டிப்பயலிலெனில்,
என்கிறுக்கு இவனுக்கெனில்,
என்னிரத்தந்தானே இவனும்!.

விவசாயி - கவிதை

2007-05-30T04:49:00.001-07:00

துயரற்ற விவசாயி்
தோட்டத்தில்,வயலில்
தொழில்தான் மூச்சு.

வெயில் தின்றமுகமும்,
கையில் வறண்டதோலும்,
தோற்றம் கவர்வதில்லை,
நோக்கம் அதுவுமில்லை.
நோய்க்குப் பயமுமில்லை,
நோய்க்குப் பயமவனிடமோ?

சுறுசுறுப்பிற் சூறாவளி
தலையின்பார மூட்டையால்
நெருநெருக்கும் கழுத்துள்ளே
முதுகில் மூட்டைச்சுமையில்
அடிக்கடி இளைக்கும்மூச்சிலே.
சோர்வில்லாத முழுமூச்சோடு
செய்துமுடிப்பதே பழக்கம்.

எடைகூடல், இடுப்புவலி
எலும்புருக்கி, புற்றுநோய்
நாரிப்பிடிப்பு, தோள்வலி,
மூட்டுவலி, முதுகுவலி
முழங்கால் கணுக்கால்வலி
தலையிடி தடிமன்காய்ச்சலென்று
தரையிலுங் கிடந்ததில்லை;
இருதயமும் இரும்புபோல
இதிலென்ன இரத்தழுத்தம்.

விவரமான விவசாயி
வேதனைகள் அவனுக்கில்லை
செய்தொழிலே அவன்மூச்சு!

எழுதியவர்: செல்லி

ஹைக்கூ

2007-05-30T04:46:00.001-07:00

நிறைந்த பானையில்
கூரையினூடாய் வந்த
கனத்த மழை.

கதைத்ததைக் கணப்பொழுதில்
திரிச்சுச்சொன்ன
தொலைபேசி.

சேவைப் போர்வையில்
கூட்டாய்க் கூத்தடிக்கும
குழுவரசியல்.
(அன்பான தமிழ்மண நண்பர்களே,இது இங்கு யாரையும் தாக்குவதாக எழுதப்படவில்லை என்பதை அன்போடும் தாழ்மையோடும் அறியத் தருகிறேன்.இது நான் தற்போது வாழும் சமூகத்திற் கண்ட அனுபவம்.)

பாமரன் பசியில்
வாக்குச் சுரண்டக் கூரிய
ஆயுதம் அரிசி.

இது ஒரு புது முயற்சி ஆகையால் பிழை இருப்பின் அன்புடன் அறியத் தாருங்கள்.

பழச் சாறு சிறுவரின் எடை அதிகரிப்பைக் கூட்டுகிறதா?

2007-04-11T21:25:00.000-07:00

பழச் சாறுகள்(fruit juice).பழ ரசங்கள்(Cordial) இயற்கையானவை; வைற்றமின்கள் உள்ளவை; ஆரோக்கியமானவை என நம்ப வைப்பது மிகவும் இலகுவானது. ஆனால் அவற்றில் இருக்கும் உடற் கொழுப்பைக் கூட்டக் கூடிய அளவுக்கு அதிகமான சீனியை அதாவது இனிப்புத்தன்மையை யாரும் பெரிதுபடுத்துவதில்லை பழச்சாறு, இவற்றை அதிகளவு அருந்தும் பிள்ளைகளுக்கு பசி இன்மை, வயிற்றோட்டம், பற்சூத்தை, எடை அதிகரிப்பு, போன்ற பிரச்சனைகள் ஏற்படுகின்றன.(1)
விக்டொரியா மாநிலத்திலுள்ள் டேக்கின் பல்கலைக் கழக(Deakin University) ஆய்வு (2)ஒன்று் குறிப்பிடுவது யாதெனில், பழச் சாறு உடற் கொழுப்பினால் ஏற்படும் ஆபத்தை இரணடு மடங்கு ஆக்குகிறது;தினமும் பழச் சாறும், மென் பானங்களும் அருந்தும் ஆரம்பப் பாடசாலை சி்றுவர்கள் எடை அதிகரிப்பு ஏற்படும் நிலையில் இருக்கிறார்கள்; பிள்ளைகளின் உடற் கொழுப்பை அதிகரிப்பில் பழச் சாறும் ஏனைய பழ ரசங்கள் (கோடியல்) உட்பட பெருப் பிரச்சனைகளாக உள்ளன என்பதுவுமாகும்.(2)

இந்த ஆய்வுக்கு 2200 விக்ரோரிய சிறுவர்களைக் உட்படுத்தப்பட்டனர்.ஒருதடவைக் கணிப்பீட்டில் 75% மான சிறுவர் ஒரு கிளாஸ் பழச்சாறு அருந்துகிறார்கள்; 25% மானவர் 3 கிளாஸ் குடிக்கிறார்கள் எனவும், அதேவேளை16% மானவர்தான் மென் பாங்களை அருந்துவதாகவும் அறியப்பட்டுள்ளது. சிறுவரைப் (12 வயதிற்குட்பட்ட)பொறுத்தவரை பழச் சாறுகள் தான்பிரச்சனையேதவிர, மென்பானங்கள் உண்மையில் பிரச்சனையில்லை இந்த ஆய்வ எழுதிய அன்றீயா சனிகோஸ்கி சொல்லுகிறார் (2).

பழச் சாறு, பழ ரசங்கள் போன்றவற்றில் வைற்றமின்கள் இருப்பினும், அவற்றில் உள்ள அதிகளவு சீனி கொழுப்பாக மாறி சிறுவரின் ஆரோக்கியத்திற்கு ஆபத்தை விளைவிக்கிறது என்பதுதான் அப்பட்டமான உண்மை.அதனால் இவற்றுக்குப் பதிலாக பழங்களையும் தண்ணீரைம் பயன்படுத்தமுடியும் என இந்த ஆய்வு பரிந்துரை செய்கிறது.
மேலும், இயற்கையானவையோ, செயற்கையானவையோ இந்த சீனித்தன்மையுள்ள பானங்கள் சிறுவரின் பற்களையும் பாதிப்பதுடன்,அவர்களின் எடை அதிகரிப்புக்கும் காரணமாவதால்,உண்மையில் பிள்ளைகட்கு பழரசம் அல்லது பழச் சாறு தேவைதானா என்று பெற்றார் யோசிக்க வேண்டுமாம்.
மறுபுறத்தில், அவுஸ்திரேலிய பழச் சாறு சங்கம் (Australian Fruit Juice Association)இதற்கு எதிரான தமக்குச் சாதகமான கருத்து மிகவும் சுவாரஸ்சியமானது.
அவுஸ்திரேலிய பழச் சாறு சங்கம் பல்லுக்கு ஆபத்து தரும் (பழச் சாறு தவிர்ந்த) காரணங்களாக பின்வருவனவற்றைக் குறிப்பிடுகிறது:
அடிக்கடி நொறுக்குத்தீனி (snack)கொறிப்பதும்,
பாற்பொருள் உணவு(cheese,yoghurt) உண்ணாமையும்,
புளோரை பற்பசை பாவிக்காததும்,
பழச் சாற்றை குடிச்சு பிள்ளையள் நித்திரை கொள்வதும்
புளோரைட் தண்ணி இல்லாத சமூகத்தில் வாழுவதும் காரணமே தவிர என
அறிவிக்கிறது.
ஆகவே, பழச் சாறுதானே என்று எடுத்த எடுப்பிலேயே பிள்ளைக்கு நல்லது; எவ்வளவும் பிள்ளை அருந்தலாம் எனத் தப்பாக விளங்கிக் கொள்ளக் கூடாது.பதிலாக பிள்ளைகள் பழங்கள் சாப்பிட ஊக்குவிக்கலாம்.நீர் அருந்தும் பழக்கத்தையும் சிறுவயதிலிருந்தே பழக்குவதும் பிள்ளைகளின் நிகழ்காலத்திற்கு மட்டுமல்ல எதிர்கால ஆரோக்கியத்திற்கும் சிறந்ததாகும்.
உசாத் துணை:
1.Water, milk, juice and soft drinks y Raising Children Network (Article)
2. The Age, Chantal Rumble (News paper)
__________________________________________________________________________________________-

கேட்டு மகிழ -12 காண ஆயிரம் கண் வேண்டும் -

2007-04-11T00:49:00.000-07:00

குயின்ஸ்லாந்தில் என்ன இருக்கு? 13.2.07

2007-04-10T04:31:00.000-07:00

குயின்ஸ்லாந்தில் பார்க்க நிறையவே இருக்கு.

உலகிலேயே பெரிய இஞ்சித் தொழிற்சாலை, "ஒரு பெரிய அன்னாசிப்பழம்"(The Big Pineapple)என்ற அன்னாசிப் பெருந்தோட்டச் செய்கை,

கோல்ட் கோஸ்ற் என்ற கடற்கரையும். வேடிக்கைப் பூங்காக்கள், இன்னும் நிறைய இருக்கு.

பிறகு வந்து படங்களோட எழுதுகிறேன்.
இப்போதைக்கு இது என் அறிமுகம்.

செல்லி

குயின்ஸ்லாந்து மாநிலம் பகுதி 2 - 16.2.07

2007-04-10T04:24:00.000-07:00

குயின்ஸ்லாந்தின் பொருளாதாரம்

.2005ம் ஆண்டு புட்டாதி முடிவில் மாநில பொருளாதார வளர்ச்சி வீதம் 4 சதவீதமாக இருந்தது. இது 2006/07 ம் நிதிஆண்டில் 4.25சதவீதமாக அதிகரிக்கலாம் என எதிர்பார்க்கப்படுகிறது.(5). .

குயின்ஸ்லாந்தின ஆரம்ப கைத்தொழிற் துறைக்குள் கரும்புச் செய்கை, சுரங்கத்தொழில்,மீன்பிடித் தொழில்,விவசயம்,காட்டுத் தொழில்,தண்ணீர் முகாமை, சுற்றுப்புற முகாமை என்பன அடங்குகின்றன.(9) அண்மைக் காலங்களில் குயின்ஸ்லாந்தின் சுற்றுலாத்துறையிலும், சுரங்கத் தொழிலிலும் அதிக முன்னேற்றத்தைக் அடைந்து வருகிறது. இதில் நிலக்கரி முக்கிய இடத்தைப் பெறுகிறது.. இங்குள்ள நிலக்கரிச் சுரங்கங்களை கீழுள்ள படத்தில் காணலாம்.

குயின்ஸ்லாந்தின் வர்த்தக ஏற்றுமதி வருமானங்களில் 35 சதவீதத்துக்கு மேலாக நிலக்கரி மூலம் கிடைக்கிறது.(6) ஜப்பான், தென் கொரியா, சீனா, இந்தியா, தைவான், நெதர்லாந்து போன்ற நடுகள் அதிக அளவில் குயின்ஸ்லாந்தின் நிலக்கரியை இறக்குமதி செய்யும் நாடுகளாகும்.(7) ஜப்பான், தென் கொரியாவைத் தொடர்ந்து இந்தியா குயின்ஸ்லாந்தின் நிலக்கரி இறக்குமதியில் 2005ம் ஆண்டில் மூன்றாவது இடத்தில் இருந்தது.(6) மொத்த கனிப்பொருள் ஏற்றுமதியில் நிலக்கரி்(Coal) ஒரு தசாப்தத்திற்கு மேலாக 68.1 சதவீதத்திலிருந்து 65.1 சதவீத அளவுக்கு இருந்தது.(8)

மேலும்,நிலக்கரியில் மட்டும் தங்கியிராமல், 2005 இல் ரஷியா, சிங்கப்பூர் ஆகியநாடுகளுக்கு உணவுப் பொருட்கள், கைத்தொழில் உற்பத்திப் பொருட்கள்,யந்திரங்கள், போக்குவரத்து சாதனங்கள் என்பன ஏற்றுமதி செய்து செய்யப்பட்டன. மொத்த ஏற்றுமதியில் இது மூன்றில் இரண்டு மடங்காகும்.(6) குயின்ஸ்லாநதின் நிலக்கரி,உலோகத் தாதுகள்,இரும்பு அல்லாத உலோகங்கள், இறைச்சி, சீனி என்பற்றின் ஏற்றுமதி மொத்த வர்த்தக ஏற்றுமதி வருமானத்தில் 70 சவீதத்தை வழங்குகிறது.(6)

சுற்றுலாத் துறை

சுற்றுலாப் பிரயாணிகளைக் கவரும் இடங்களில் குயின்ஸலாந்தின் நாட்டுப்புறம் (Outback ) ஒன்று. அதாவது கிராமப் புறம். இது பல இயைற்கையான, பாரம்பரிய, கலாச்சார, பூர்வீகக் குடிகளைப் பற்றிய கவரக்கூடிய இடங்களைக் கொண்டதாகும். இது ஒரு விசாலமான பரந்த பிரதேசமாகும். மேற்கு குயின்ஸலாந்தில் 832,000 சதுர கி.மீ. ஐக் கொண்டதாகவும் நாட்டுப் புறம் இருக்கிறது.(10) இத்தகைய பழம்பெரும் நிலத்தொற்றத்தில் அவுஸ்திரேலிய பாரம்பரியங்களும், மரபுகளும்,புதைந்து கிடக்கும் புராதன காலத்து மிருகம் அல்லது தாவரங்களின் மிஞ்சிய பதிகளின் வரலாறுகளும், வண்ணவண்ண நிறமுடைய செடிகளைக் கொண்ண்ட புதர்களும்(Bush )அல்லது பற்றைகளும் காணமுடியும்.(10) அநேகமான எல்லா சுற்றுலா இடங்களையும் படத்தில் காணலாம். இவை ஒவொன்றையும் பற்றி அறிய (12) இங்கே சொடுக்கவும்.

உலகெங்கும் உள்ள மக்களை மட்டுமல்ல ஏனைய மாநிலத்தவரையும் கவரக்கூடிய களிப்பூட்டும் பூங்காக்கள் (Theme Parks) குயின்ஸ்லாந்தித்தான் உள்ளன. கோல்ட் கோஸ்ற் (Gold Coast) எனுமிடத்தில் அவை

கனவு உலகம் ட்றீம் வேல்ட் (Dream World)

பட உலகம் மூவி வேல்ட் (Movie World)

கடல் உலகம் சீ வேல்ட் (Sea World)

ஈரமும் இயற்கையும் = நீர்ப் பூங்கா வெற் அன்ட் வலிட் (Wet'n Wild)

வெண்தண்ணீர் உலகம் =இதுவும் ஒரு நீர்ப் பூங்கா வைர் நடெர் வேல்ட் (White Water World) என்பனவாகும்

இவை தவிர,

குரும்பின் வனவிலங்கு சரணாலயம் ( Currumbin Wildlife Sanctuary )

அவுஸ்ரேலியா மிருகக் காட்சிச் சாலை ( Australia Zoo ) என்பனவும் காணாலாம்

குயின்ஸ்லாந்தில் சுற்றுலா பயணிகளுக்கு பவித தங்குமிட வசதிகள் வேறுபட்ட கட்டணங்களில் பெறமுடியும்

கொட்டல்கள், லொட்ஜ், கரவன் பாக் இருப்பிடங்கள், வீடுகள், பண்ணை வீடுகள் என்பவற்றைக் குற்ப்பிடலாம்

அவுஸ்ரேலியாவின் பதினொரு உலக பாரம்பரிய சின்னங்கள் உள்ள தலங்களில் ஐந்து தலங்கள் இங்குதான் உள்ளன. ஆதுவும் அவற்றில் சில அருகருகேயும் உள்ளன. அடர்த்தியான மழைக்காடும்,(Rainforest) பெரிய பாறைத்தொடரையும்(Great Barrier Reef) உதாரணமாகக் குறிப்பிடலாம்.

இங்கு சராசரி வெப்பநிலை 25.2C(77.3F) க்கும் 15.7C(60.2F)க்குமிடையில்த்தான் இருக்கும். பனி பெய்வது எப்பவாவது அருமையாகத்தான் நிகழும். கடற்கரை ஓரங்களில் குளிர்த் தென்றலை அனுபவிக்கலாம்.

மத்திய கோட்டுக்கு அண்மித்த இடங்களில் அதாவது கெயின்ஸ்சில்(Cains) சூடாந்து ஈரப்பதன் கூடியதுமான காலநிலை இருக்கும்

நாட்டுப்புறங்களில்(outback) அதாவது கரையிலிருந்து மிகவும் உள்ளே இருக்கிம் இடங்களில் கூடிய வெப்பமும் ஈரப்பதன் குறைந்தும் இருக்கும். மலைப் பகுதிகள் கரைப் பகுதிகளைவிட குளிராக இருக்கும். உதாரணமாக மலைப் பகுதியில் உள்ள ரூவூம்பா -Toowoomba என்னும் இடத்தை ஈழத்தில் நுவரெலியாபோல எனவும், இந்தியாவில் கோடைகானல் போல எனவும் கருதுவர்.

அவுஸ்திரேலியா தென்துருவத்தில் இருப்பதால், இதன் பருவங்கள் வடதுருவ பருவகாலங்களைவிட வேறுபட்டிருக்கும். எனவெ இங்கு வருவதற்கு மூட்டை முடிச்சுகளைக் கட்டு முன் குளிர் உடுப்புகள் வைக்கிறதா இல்லையா என்பதை இங்குள்ள கலநிலையை அறிந்து செயற்படுவது நன்மைபயக்கும்.
இனி இங்குள்ள நான்கு பருவகாலங்களையும் நோக்கலாம்.

இலை துளிர் காலம்(Spring), புரட்டாதி-கார்த்திகை

பகலில் ஓரளவு வெப்பமும் சோரிய ஒளியும் கூடவே இருக்கும்.அத்துடன் மெல்லிய குளிர் காற்றும் இருக்கும். ஈரவும் மிக மெல்லிய குளிராக இருக்கும்.

கோடை காலம் (Summer)–மார்கழி- மாசி

கோடையில் கரையோரப் பகுதிகளில் குளிர்த் தென்றலை அனுபவிக்கலாம்.

உள்நோக்கிய இடங்களில் வெப்பம் கூடுதலாகவும் ஈரப் பதன் குறைவாகவும் இருக்கும்

இலையுதிர் காலம்(Autumn) –பங்குனி-வைகாசி

இக் காலத்தில் மெல்லிய குளிர் பகலும், இரவும் இருக்கும். இருப்பினும் கோடையின் சிறிதளவு வெப்பமும் அனுபவிக்கலாம்

பனிக் காலம்(Winter) ஆனி – ஆவணி

இக் காலதில் பகற்பொழுது சூரிய ஒளிடனான மெல்லிய சூடாகவும், இராப் பொழுது குளிராகவும் இருக்கும்

குயின்ஸ்லாந்து காலநிலை முன் அறிவிப்பைக்(11) காண இங்கே சொடுக்கவும்

குயின்ஸ்லாந்தின் அடையாளச் சின்னம் கியூ ஒன்று Q1 கட்டிடம்
உலகிலேயே மிக உயர்ந்த வதிவிட கட்டிடச் சிகரம்(Residential Building Tower) "கியூ ஒன்று" கோல்ட் கோஸ்ற் (Gold Cost)எனும் இடத்தில் இருக்கிறது. இதனை படத்தில் காணலாம். அவுஸ்ரேலிய கடற்கரையில் இந்த சிகரத்தில்மட்டுந்தான் அவதானிப்பு தளம் இருக்கிறது.

இப் புகைப் படம் மிகவும் அருமையான படமாகும்.அத்துடன் பலராலும் புகழப்பட்ட ஒன்றாகும்.மேலும் Q1 பற்றிய படங்களைக் காண இங்கே சொடுக்கவும.

உசாத்துணை வலைப் பக்கங்கள்:

5 http://www.budget.qld.gov.au/budget-papers/docs/highlights_15_2006-07.pdf

6 http://www.sd.qld.gov.au/dsdweb/v3/documents/objdirctrled/nonsecure/pdf/16870.pdf

7. http://www.gc3.cqu.edu.au/modern-world/index.php

8 http://www.sd.qld.gov.au/dsdweb/v3/guis/templates/content/gui_cue_cntnhtml.cfm?id=47711

9 http://www.qld.gov.au/business_and_industry/primary_industries/index.html

10 http://www.tq.com.au/destinations/outback/outback_home.cfm#

11 http://www.bom.gov.au/weather/qld/qld-forecast-map.shtml
12 http://www.tq.com.au/destinations/index.cfm

குயின்ஸ்லாந்து மாநிலம் 14.2.07

2007-04-10T04:22:00.000-07:00

குயின்ஸ்லாந்து அவுஸ்திரேலியாவின் வடகிழக்கு மூலயில் இருக்கிறது. இது மேற்கே நோதேண் ரெறிற்ரறியையும் (Northern Territory), தென்மேற்கே தென்அவுஸ்திரேலியாவையும், தெற்கே நியூசவுத் வேலையும், கிழக்கே பசுபிக் சமுத்திரத்தையும், கோறல் கடலையும் எல்லைகளாகக் கொண்டுள்ளது.(2) இதன் கடற்கரையின் பெரும்பகுதி "பெரிய தடுப்பு பாறைத்தொடரை" (Great Barrier Reef. ) கொண்டிடுக்கிறது.உலக பாரம்பரிய தலங்களில் இதுவும் ஒன்றாகும். சுற்றிலாப் பிரயாணிகளைக் கவரும் முக்கிய இடங்களில் இது பிரதான இடத்தைப் பெறுகிறது.
குயின்ஸ்லாந்து அவுஸ்திரேலியாவில் எங்கே இருக்கிறது என்பதை தெளிவாக படத்தில்(3) காணலாம். இது அவுஸ்திரேலியாவின் இரண்டாவது பெரிய மாநிலமாகும்.இதன் நிலப்பரப்பு 1,852,642 சதுர கி.மீ(கிட்டத்தட்ட1.8மில்லியன் சதுர கி.மீ)ஆகும்.குயின்ஸ்லாந்து அவுஸ்திரேலியாவின் மொத்த நிலப்பரப்பில் கிட்டத்தட்ட 1/3 பங்கை உள்ளடக்குகிறது எனலாம். இந்த நிலப்பரப்பு அளவு அமெரிக்க ரெக்ஸாஸ் மாநிலத்தின் இரண்டரை மடங்கு அளவைக் கொண்டதாகும்.இம் மாநிலப் பெரும்பகுதி பூமியின் மத்தியகோட்டுப் பகுதியைச் சார்ந்ததாக உள்ளது.
வரலாறு
ஐரோப்பியர் வருகைக்கு முன்னர் பூர்வீகக்குடி மக்கள் ( Indigenous Australians ) கிட்டத்தட்ட நாற்பதாயிரம் வருடங்களுக்கு முன்னர் வாழ்ந்திருக்கிறார்கள் எனப்படுகிறது.(2)
கப்ரன் ஜேம்ஸ் குக்( Captain James Cook)1770 இல் குயின்ஸ்லாந்தைக் கண்டுபிடித்தார் . இதற்கு முன்பு டச்சு, போர்த்துகேயர, பிரான்ஸ் கப்பலோட்டிகளும் வந்து ஆராய்ந்து போயிருக்கிறார்கள். ஆரம்பத்தில் இது நியூசவுத் வேல்ஸ்சின் அதிகாரத்தின்கீழ்த்தான் இருந்தது. 1824 தொடக்கம் 1843 வரை குயின்ஸ்லாந்து தங்கச் சுரங்கங்களில் வேலை செய்யும் கைதிகள் காலனி (Colony) யாகவே இருந்தது. பின்பு 1859 இல் நியூசவுத் வேல்ஸ்சிலிருந்து பிரிந்து, பிரிட்டிஷ் காலனி என மாறியது. இந்த மாநிலத்தை இவ்வாறு தனி மாநிலமாக ஆக்க விக்ரோறியா மகாராணியார் கையெழுத்திட்டு பிரகடனப்படுத்தியதனால் "குயின்ஸ்லாந்து" எனப் பெயர் பெற்றது. (1) பின்னர் 1901 ம் ஆண்டில்த்தான் அவுஸ்திரேலியாவின் பொதுநல அமைப்பின்கீழ் சட்டரீதியான மாநிலமாக பிரகடனப்படுத்தப்பட்டது.
சனத்தொகை
2006 இல் குயின்ஸ்லாந்தின் சனத்தொகை 4,053,444 அதாவது கிட்டத்தட்ட 4 மில்லியன்களாகும்.இதில் 0.3% இந்துக்கள் 70.9% கிறிஸ்தவர்கள்,0.4% இஸ்லாம் மதத்தவரும் இங்கு வாழ்வதாக புள்ளிவிபரங்கள்காட்டுகின்றன.(1) அவுஸ்ரேலியாவின் ஏனைய மாநில தலைநகரங்களிலும்பார்க்க மிகக் கூடிய சனத்தொகை வளர்ச்சி வீதத்தை கடந்த ஐந்து வருடங்களாக பிறிஸ்பேன் பதிவு செய்திருக்கிறது. 2000ம் ஆண்டிலிருந்து 2005 வரை பிறிஸ்பேனின் சராசரி சனத்தொகை வளர்ச்சி வீதம் வருடமொன்றுக்கு 2.0 சதவீதமாக இருந்தது.(4)

பிறிஸ்பேன் நகரம்(Brisbane) குயின்ஸ்லாந்தின் தலைநகரமாகும்.இது இந்த மாநிலத்தின் தென்கிழக்கில் அமைந்திருக்கிறது. இதை மேலுள்ள படத்தில் காணலாம். சனத்தொகை (898500)அடிப்படையில் பிறிஸ்பேன் மாநகரசபை அவுஸ்திரேலியாவின் முதலாவது மிகப்பெரிய மாநகரசபை எனப்படுகிறது.

இன்னும் வரும்.............

1. http://en.wikipedia.org/wiki/Queensland

2. http://www.factmonster.com/ce6/world/A0840767.html
3. http://www.queensland-australia.com/100103.php
4. http://www.sd.qld.gov.au/dsdweb/v3/documents/objdirctrled/nonsecure/pdf/16870.pdf

பிறிஸ்பேனில் உள்ள கோவாலா (koala) சரணாலயம்

2007-04-10T04:21:00.000-07:00

19.2.07

கோவாலா என்ற மிருகம் அவுஸ்திரேலியாவில் மட்டுமே காணக் கூடிய ஒன்றாகும்.இது ஒரு பாலூட்டி மிருகமாகும். இது இந்த நாட்டின் ஒரு பிரபல்யமான அடையாளச் சின்னமாகும்.

கோவாலா என்பது பூர்வீகக் குடியினருடைய ஒருசொல் ஆகும். இதன் அர்த்தம் என்னவென்றால் "தண்ணீர் (தேவை) இல்லை" என்பதாகும். ஏனெனில், கோவாலாக்கள் தண்ணீ குடிப்பதில்லையாம்.இவற்றுக்குத் தேவையான நீரை யூக்கலிப்ரஸ் இலைகளிலிருந்தே பெறுகின்றனவாம். இவை அவுஸ்திரேலியாவின் கிழக்குக் கரையோரங்களில் மட்டுமே வசிக்கின்றன.

இதன் முரடான பாதங்களும் கால்களில் உள்ள கூரிய நகங்களும் மரங்களைப் பிடித்து ஏறுவதற்கு உதவுகின்றன. கோவாலா உடம்பில் சாம்பல் நிற வழுவழுப் பான உரோமங்களையும், அகன்ற காதுகளையும், பெரிய மூக்கையும் கொண்டிருக்கிறது.கோவாலாவைப் பற்றிய முழு விபரமும் அறிய இந்த வலைப் பக்கத்திற்குச் செல்லவும்.

உலகில் அழிந்துவரும் இனங்களில் இதுவும் என்றாகும். குடியிருப்புகளுக்காகவும், பயிர்ச்செய்கை,பண்ணைத்தொழில் போன்றவற்றுக்காகவும் கோஆலாவின் வசிக்கும் நிலங்கள் அழிக்கப் படுவதால் கோஆலாவின் தொகை குறைந்து வருகிறது.

கோவாலாவின் பிரதான உணவு யூக்கலிப்ரஸ்(eucalyptus) இலைகளாகும். இவை " கம் இலைகள்"(gum leaves) அழைக்கப்படுகிறது. இந்த மரங்களிலேயே அவை வசிக்கின்றன,மரத்தைவிட்டு இறங்கி நிலத்திற்கு வருவது எப்பவாவது அருமையாக தான் இருக்கும். கோஆலா இந்த இலைகளைத் தெரிவு செய்து தான் சாப்பிடுகிறது, எல்லா இலைகளையும் சாப்பிடுவதில்லை. அவுஸ்ரேலியாவிலுள்ள 600 வகையான யூக்கலிப்ரஸ் மரங்களில் 50 வகையான மரங்களின் இலைகளைத் தான் கோஆலாக்கள் சாப்பிடுகின்றன. இந்த இலைகளில் 50 சதவீதம் நீரும், 5 சதவீத மாச்சத்தும், சீனியும் உண்டாம். இந்த இலைகளால் கிடைக்கும் குறைந்த சக்தியை 19 மணித்தியாலம் நித்திரை கொள்வதன்மூலம் பயன்படுத்துகின்றன.இதனால் கோவாலாக்கள் போதையில் இருப்பவைபோலத் தோன்றும்.

உலகிலேயே முதலாவதும், பெரியதுமான கோஆலா சரணாலயம் பிறிஸ்பேனில் உள்ள "லோன் பைன் கோஆலா சரணாலயம்"(Lone Pine Koala Sanctuary ) ஆகும். இங்கு 130 வளர்ந்த கோவாலாக்களும், வருடாவருடம் வரும் குட்டிக் (joeys )கோஆலாக்களும் இருப்பதைக் காணலாம்.
தவிர, கோவாலாவைத் தூக்கி அணைக்கலாம், இலையை ஊட்டிவிடலாம். உலகெங்கும் இருந்துவரும் பெரும் புகழ்மிக்க மனிதர்கள் அவுஸ்திரேலியா வரும்போது இந்த சரணாலயத்திற்கு கிட்டத்தட்ட 75 வருடங்களாக வந்து சென்றிருக்கிறார்கள்.கடந்த வருடம் கடந்தகால ரஷ்ய பிரதம மந்திரி இந்தச் சரணாலயத்திற்கு வந்து சென்றார்.

அமெரிக்காவின் பி்ரபல பாடகி ஜனற் ஜக்சனும், காலஞ் சென்ற போப்பாண்டவரும் கோவாலாவைக் கட்டி அணைத்து வைத்திருப்பதை மேலுள்ள படங்களில் காணலாம்.

இந்தச் சரணாலயத்தில் ஓஸி(Aussie)யின் ஏனைய வனவிலங்குகளான கங்கரு,(kangkaroo) ஈமியூ,(Emu) (தீக் கோழி மாதிரி ஒரு பெரிய பறவை, எக்கின்னா(Echidna) (ஒரு வகை முள்ளுப் பன்றி), வொம்பற்(Wombat), பலவிதமான அவுஸ்ரேலியப் பறவைகள், பறக்கும் நரி,(Flying Fox) டிங்கோ(Dingo) எனும் காட்டு நாய் என்பவற்றுடன் மேலும் பல பிராணிகளைக் காணலாம்.
இந்தச் சரணாலயம் பிறிஸ்பேனின் சுற்றிலாப் பிரயாணிகளைக் கவரும் பிரதான இடமாகும். பிறிஸ்பேன் நகரத்திலிருந்து இவ்விடத்தை வந்து சேர 20 நிமிடம் எடுக்கும். கோல்ட் கோஸ்ற்( Gold Coast) ரிலிருந்து வர 50 நிமிடமாகும்.
நியூசவுத் வேல்ஸ் மாநிலத்தில் கோவாலாவைக் அணைத்துத் தூக்குவது 1997 லிருந்து தடை செய்யப்பட்டுள்ளது. ஆனால் இது குயின்ஸ்லாந்து மாநிலத்தில், அதுவும் விசேடமாக இந்த "லோன் பைன் கோஆலா சரணாலயத்தில்" அனுமதிக்கப்பட்டுள்ளது.
கோவாலாவைப் பார்க்க ஆசையாக இருக்கா? இன்னுமென்ன யோசிக்கிறீர்கள்.கிளம்பி வாருங்கள் பிறிஸ்பேனுக்கு.

வலைப் பக்க உதவி:

http://www.koala.net

http://www.koala.net/lonepine/koalahug.htm

http://www.koala.net/download/lonewal1.jpg -wallpapaer

ஹாபர் பாலம் ஏறுதல் (Climbing Harbour Bridge)

2007-04-10T04:17:00.000-07:00

19.3.07
கடந்த ஞாயிற்றுக் கிழமை 18.3.2007 அன்று சிட்னி ஹாபர் பாலத்தின் 75 வது ஆண்டு நினைவு தினக் கொண்டாட்டம் கோலகலமாக இடம்பெற்றது.கிட்டத்தட்ட 200 000 மக்கள் பங்குபற்றினர். 52 000 தொன் எடையுள்ள இரும்பினால்க் கட்டப்பட்ட இந்தப் பாலத்தில் எட்டு வாகனச் சாலைகளில்தினசரி 200 000 கார்(car) கள் செல்கின்றனவாம். (1)இந்தக் கொண்டாடத்திற்காக 15 மணித்தியாலம் போக்குவரத்து யாவும் தற்கலிகமாக நிறுத்தப்பட்டது.

காலை 9.20 க்கு அந்த மாநில ஆளுனரான மேன்மைதங்கிய பேராசிரியர் மேரி பஷிர் (Professor Marie Bashir) றிபனை (ribbon)வெட்டிக் கொண்டாட்டத்தை ஆரம்பித்து வைத்தார்.

அதன் பின் பெருந்திரளான மக்களின் ஊர்வலம் தொடங்கியாதாகக் கூறப்படுகிறது.

பாலம் ஏறுதல்(BridgeClimb )
சிட்னி வருவோர் ஒவ்வொருவரும் "கட்டாயமாக செய்யவேண்டியது"களில் ஹாபர் பாலம் ஏறுவது ஒன்று எனப் பலரும் சொல்கிறார்கள்.இந்தப் பாலம் ஏறுதல் 1998 லிருந்து இடப் பெற்று வருகிறது.(3)கிட்டத்தட்ட 1.8 மில்லியன் மக்கள் ஏறி இருக்கிறார்கள் (இவர்களில் கானா பிரபாவும் ஒருத்தர்) இவர்களில் 25 சதவீதமானோன் உள்நாட்டவராவர். பாலம் ஏறுதலில் பிவருவனவற்றை விசேடமாகக் குறிப்பிடலாம்:
பிறிஜ் கிளைம்ப் (Bridgeclimb))பாலத்தின் மேலே ஏறுதல்
பாலத்தின் கோபுரங்களில் (Pylon) ஏறுதல்
கண்டு பிடிப்புக்கு (Discovery Climb) ஏறுதல்

பாலத்தின் மேலே ஏறுவது, பகல், அதிகாலை(3am)/மாலை,இரவு போன்ற பொழுதுகளில், 12 பேர் கொண்ட குழுவாக ஒவ்வொரு பத்து நிமிடத்துக்கும் ஒருமுறை இடம்பெறுகிறது.பாலத்தின் மேல் ஏறுவோர் முக்கியமாகச் செய்யப்பட வேண்டியவை:
* ப்றெதலைசர் (breathalyser) ரெஸ்ற் (test) செய்ய வேண்டும்,
* அங்கு கொடுக்கப்படும் விசேட அங்கி(suit)யும்,அரைநாடாவும் (Belt) அணிய வேண்டும்,
* புகைப்படக் கருவிகள், மணிக்கூடு, ஆடுகிற தூக்கண தோடுகள்/காதணிகள் ஏறுதற்கு முன் கீழே விட்டுச் செல்லவேண்டும்.

பாலத்தின் உச்சியை அடைந்ததும் வானத்தைத் தொடுவது போன்ற ஒரு உல்லாச உணர்வு ஏற்படுமாம்; அதுவும் அதிகாலை மூன்றரை மணிக்கு ஏறி பாலத்தின் உச்சியிலிருந்து சூரியன் உதிக்கும் காட்சி கொள்ளை அழகாயிருக்குமாம்; என பார்த்தவர்கள் சொல்லுகிறார்கள்.(2)இருப்பினும் மிகவும் செலவு அதிகம்தானாம்.அதாவது ஒரு பெரியவருக்கு $165 டொலர், அதுவும் சனி, ஞாயிறு, வேறு விசேட தினங்களில் இக் கட்டணம் இன்னும் அதிகமாம் எனவும் சொல்லப்படுகிறது.

கோபுரத்தில் ஏறுதல் (Pylon lookout)
பாலத்தின் இருபுறம்முள்ள கோபுரத்தில் நின்று சிட்னி நகரத்தை சுற்றிலும் பார்க்க மிகவும் அழகாக இருக்குமாம், அந்தக் கோபுரங்களின் உள்ளே பொருட்காட்சியும் காணலாமாம் என்று போனவர்கள் சொல்கிறார்கள். (3)

கண்டுபிடிப்புக்கு ஏறுதல்(Discoveryclimb)
இது ஹாபர் பாலத்தில் உள்ள வாகனச் சாலைக்கு கீழே உள்ள இரும்பு வலைக்குள் படிகளாலும், கான்ற்றீஸ்(gantries) ஊடாகவும் புகுந்து, நீலவானந் தெரியும் வரை நடந்து செல்வதைக் குறிக்கும்.(2)
ஹாபர் பிற்ஜ்சின் படங்களைக் காண
உசாத்துணை
1. ourbridge.com
2. The Weekend Australian - News aper
3. cultureandrecreation.gov.au/articles/harbourbridge/

ஹைக்கூ கவிதைகள்

2007-04-07T14:39:00.000-07:00

நிறைந்த பானையில்
கூரையூடாக
கனத்த மழை.

நான் கதைத்ததையே
அடுத்தநொடியில்
திரிச்சுவிட்ட செல்பேசி.

சேவையென்று பலப்பல
பொய்யுரைத்துக்
கூத்தடிக்கும் குழுவரசியல்.

பாமரன் பசியில்
வாக்குவேட்டுக்கு
ஆயுதம் அரிசி.

"அரிசி."..சீரியல் .. 1 {.cereal அல்லது serial...}..

2007-04-04T03:45:00.000-07:00

உணவு இல்லாமல் உயிர்கள் இல்லை. உடுதுணி, உணவு, இருப்பிடம்(வீடு)என்னும் மனிதனின் அடிப்படைத் தேவைகளுள் முக்கியம் பெறுவது உணவு. தமிழர் உணவிலே முதன்மை வகிப்பது சோறு.நெல்லை அரிசியாக்கி அரிசியை சமைப்பதால் சோறு வருகிறது.

இந்த அரிசி உணவில் மட்டுமன்றி,கலாச்சாரம்,வர்த்தகம், அரசியல்,அத்துடன் நம் அங்கத்திலும் அங்கம் வகிக்கும் அளவுக்கு முக்கியத்துவம் வாய்ந்ததாகும்.

யாழ்ப்பாணாத்தில் பல வகை அரிசி உண்டு.நெல்வயல்களில் பள்ளக் காணிகளில் விளையும் மொட்டைக் கறுப்பன் நெல்லில் இருந்து நல்ல சிவப்பான அரிசி கிடைகிறது. மேட்டுக்காணிகளில் விளையும் சிவப்பு, வெள்ளை அரிசிகளும் உண்டு.ஈழத்தின் மற்றப் பாகங்களில் சம்பா அரிசியும் கிடைக்கிறது.

தமிழகத்தில் உள்ள நன்செய்தானியங்களைப் பார்ப்போம். சீரகச் சம்பா, சின்னச் சம்பா,சிறுமணிச் சம்பா,பெரிய சம்பா, சன்னச் சம்பா,ஊசிச் சம்பா, இலுப்பைச் சம்பா,மல்லிகைச் சம்பா, கம்பன் சம்பா,கைவளச் சம்பா, குங்குமச் சம்பா, குண்டைச் சம்பா,கோடைச் சம்பா, ஈர்க்குச் சம்பாபுனுகுச் சம்பா, முத்துச் சம்பா, துய்ய மல்லிகைச் சம்பா,மோரன் சம்பா,மாலன் சம்பா, சீரன் சம்பா, செம்பிலிப் பிரியன், வெண்ணெல், செந்நெல் போன்றன உள்ளடங்குகின்றன என விநோதர மஞ்சரி குறிப்பிடுகிறது.இந்த அரிசி வகைதான் எத்தனை!

அரிசியினால் இட்டலி, தோசை, புட்டு, இடியப்பம், அப்பம் போன்ற பிரதான உணவுகளும், மற்றும் பலவித சிற்றுண்டிகளும் செய்யப்படுகின்றன.

இட்டலி அனைவர்க்கும் சிறந்த உணவு,எளிதில் சமிபாடு அடையக் கூடிய உணவாக
இருப்பினும் இதை யாழ்ப்பாணாத்தில் காலை உணவாக வீடுகளில் பெரும்பாலானோர் பொதுவாக சமைப்பது குறைவு என்றே சொல்லலாம். சைவச் சாப்பாட்டுக் கடைகளில் பொதுவாக இட்டலி விற்பதுண்டு. சைவங்கடை முதலாளி முதல் நாள் மிஞ்சுகிற சோற்றை ஊறவிட்ட உழுந்துடன் அரைத்துப் புளிக்கவைத்து, அடுத்த நாள் இட்டலியாக விற்பார் என நகைச்சுவையாகப் பேசப்படுவதுண்டு.இது உண்மையாகக் கூட இருக்கலாம்.

தோசை யாழ்ப்பாணத்தில் செந்நெல்லைக் குற்றி அரிசியைத் தீட்டி நீரில் ஊறவைத்து,அங்கு கறுத்தத் தோலுடனான உழுத்தம் பருப்புத்தான் கிடைக்கும். அந்த உழுத்தம் பருப்பை ஊறவிட்டு, பின் தோலை நீக்கி அரிசியையும் சேர்த்து அரைத்த மாவிலிருந்து தோசையை இரும்புக்கல்லில் சுடுவது இலகுவான சமையல் முறை. பின்னர் ஆங்கிலேயரின் வருகையைத் தொடர்ந்து கோதுமை மாவும் அறிமுகமாகிப் பின்னர் பங்கீட்டு அட்டைக்கு (கூப்பன்) பலருக்கும் கிடைக்கக் கூடியதாக வந்ததும் யாழ்ப்பாணத்தில் கோதுமை மாத் தோசை(கூப்பன் மாத் தோசை)யும் ஒரு காலை உணவாக முக்கிய இடம் பிடித்துக் கொண்டது. வடமராட்சியில் இந்தத் தோசை மிகவும் பிரபல்யம்.முன்பெல்லாம் வல்லிபுரக் கோவில் தேர்த்திருவிழாக் காலங்களில் சுடச் சுட வாங்கிச் சாப்பிடமுடிந்தது. நெல் வயல் வைத்திருப்போர் அரிசிமாத் தோசையையே சமைப்பர்.தோசை எப்படிச் செய்வது நாகமாணிக்கம்.கணேசன் என்பரின் கட்டுரையிலிருந்த கீழ்வரும் இரு பாடல்கள் மிகவும் இரசிக்கும்படியாக உள்ளன.
.
"சுலுடன் தலைசாய் செந்நெல் அரிசியும்
மாலின் வண்ணமாம் மையார் உழுந்தும்
பாலின் நிறம்போல் படிய அரைத்து
ஓர்நாள் நன்கு புளித்து
வார்க்கத் தோசை வனப்பொடும் வருமே"

இதன் கருத்து என்னவெனில்,செந்நெல்லிலிருந்து(சூலு ) தீட்டிய அரிசியையும், கரிய உறையை(திருமாலின் நிறமான = மாலின் வண்ணமாம்) நீக்கி உழுந்தையும் சேர்த்து அரைத்து, ஒரு நாள் முழுதும் புள்க்கவைத்துவிட்டு,தோசையை இரும்புக்கல்லில் சுட்டால் அது ஒட்டாமல் அழகாக வரும் என்பதாகும்.

"சூலின் நிரையினால் சுடர்முடி பணிந்து
மேலின் நிலையவர் வாழ்நெறி விளக்கும்
சாலிப் பயிர்க்கதிர் சார்ந்தவெண் அரிசியை
மாலின் வண்ணமாம் மையார் உழுந்துடன்
பாலின் நிறம்போல் படிய அரைத்து
ஓர்நாள் நன்கு புளித்து
வார்க்கத் தோசை வட்ட நிலாவே."

இனி இந்தப் பாட்டின் பொருளைப் பார்ப்போம். நன்கு கற்றவர் தலைக்கனமின்றி பணிவுடனிருப்பதைப் போல பணிவோடு மண்ணை நோக்கும் விதை(சூல்) நெற்களைக் கொண்ட நெற்(சாலி)கதிரிலிருந்து எடுத்த வெள்ளை அரிசியையும்,{முதற்பாட்டில் உள்ள நடு மூன்று பாடல் வரிகளும் இங்கே அதே கருத்துடன் வருகின்றன.அதாவது,} கரிய உறையை(திருமாலின் நிறமான = மாலின் வண்ணமாம்) நீக்கி உழுந்தையும் சேர்த்து அரைத்து, ஒரு நாள் முழுதும் புளி்க்கவைத்துவிட்டு,தோசையை இரும்புக்கல்லில் சுட்டால் பௌர்ணமி நிலவு போல வட்டமாக, அத்துடன் வெள்ளையாக (வெண் அரிசி காரணமாக)வரும் எனப்படுகிறது.
இன்னும் வரும்...........

எடை அதிகரிப்பை கண்டு பிடிப்பது எப்படி?

2007-04-03T02:36:00.000-07:00

அண்மைக் காலமாக மக்களிடையே எடை அதிகரிப்பு (over weight) உலகளாவியரீதியில் பெரும் பிரச்சனையாக இருந்து வருகிறது. இந்த எடை அதிகரிப்பு பல நோய்களுக்கு இடமளிக்கிறது.இருதய சம்பந்தமான நோய்கள், கொலஸ்திரோல் பிரச்சனை, நீரிழிவு, புற்றுநோய், இரத்த அழுத்தம்,பக்கவாதம், எலும்புமூட்டுவலி, இருதய நோய்கள் என்பவற்றை உதாரணமாகக் குறிப்பிடலாம்.

அவுஸ்திரேலியாவில் 25 வயதிற்கு மேற்பட்டோர் பெண்கள் 27% மும், ஆண்கள் 47% ஆக 1980 களில் எடை கூடியவர்களாக இருந்தனர் எனவும், இந்த சதவீதம் 2000 ம் ஆண்டளவில் முறையே பெண்கள்47%மும், ஆண்கள் 60% மும் எடை கூடியவர தொகை கூடியுள்ளதாகப் எனப் புள்ளி விபரங்கள் காட்டுகின்றன.இதிலிருந்து தெரிவது என்னவென்றால்,பெண்களிலும் பார்க்க ஆண்களே எடை அதிகரிப்பில் இருக்கிறார்கள் என்பதாகும். "உண்டி சுருங்குதல் பெண்டிற்கழகு" என்பதை பெண்கள் கடைப் பிடிக்கிறார்கள் போலும்.
அடிப்படையில் மனித உழைப்பு என்பது உணவுக்காகத்தான் என்பதில் ஐயமில்லை.அந்த உணவை உடலின் தொழிற் பாட்டிற்கேற்ப உண்டால் எடை அதிகரிப்புப் பிரச்சனை ஏற்பட வாய்ப்பிருக்காது. உடல் செய்கின்ற தொழிலுக்கு அதிகமாகச் சாப்பிடும்போது தான் எடை அதிகரிப்பு ஏற்படுகிறது.
"Single diet is best;for many dishes bring many diseases" என்கிறார் பிங்கி(Pinky).
எடை அதிகரிப்பை எப்படி அளப்பது?
உடற் திணிவு சுட்டெண் (Body Mass Index -BMI)எடை அதிகரிப்பைக் கண்டு கொள்ள உதவுகிறது.இது எவ்வாறு கணிப்பிடப்படுகிறது என்பதைப் பாப்போம்.

உடலின் நிறை கிலோ.கிராம்
------------------------------------- = உ.தி.சு.எ (BMI)
உடலின் உயரம் மீற்றர்(வர்க்கம்)

அதாவது உங்கள் உடல் நிறையை உங்கள் உயரத்தால் பிரிக்க(வகுக்க) வருவதாகும்.உங்களுக்கு எடை அதிகரிப்பு இருக்கா என்று அறிய இங்கே சென்று பார்க்கவும்.

உ.தி.சு.எ.விவரிக்கும் விளைவுகளக் கீழே காணலாம்.
19 க்குக் குறைவாயின் - எடைக் குறைவு உள்ளது. ஆதாவது ஆரோக்கியத்திற்குத்
தேவையான எடையின் அளவை விடக் குறைய உள்ளது
என்பதாகும்.

20 – 25 - இது ஆரோக்கியமான எடையின் அளவு.

26 - 30 - இது எடை அதிகரிப்பு உள்ள நிலை ஆகும். நோய்கள் எதுவும்
தோன்றக் கூடிய
நிலை ஆகும். உணவுக் கட்டுப்பாடு, உடற் பயிற்சி கட்டாயம்
செய்ய வேண்டும்.
30 க்கு மேல் - இது உடலில் கொழுப்பின் அளவு கூடியுள்ள நிலையைக்
குறிக்கிறது. பல நோய்களின் ஆபத்தான நிலையுமாகும்.

எடையைக் குறைக்க என்ன வழி?
உண்வுக் கட்டுப்பாட்டினாலும்,தினசரி உடற்பயிற்சி செய்வதாலும் உடலில் அள்வுக்கு அதிகமாக இருக்கும் கொழுப்பின் அளவைக் குறைக்கலாம்.
உணவுக் கட்டுப்பாடு
சிலர் உண்ணுகிற அளவைக் குறைத்தால் சரி என நினைத்து விரதம் இருக்கிறார்கள்.
பின்னர் விரதமிருந்த பட்டினிக்கும் சேர்த்து கூடுதலாக சாப்பிடுகின்றனர்.ஆகவே, விரதம் இதற்கு சரியான அணுகுமுறை அல்ல.

சத்துள்ள உணவுகளை உண்பது அவசியம். சத்துள்ள உணவுகள் எனும்போதுமாச்சத்துக் குறைந்த உணவுகள்
கொழுப்புக்(எண்ணெய்) குறைந்த உணவுகள்
அதிகளவு மரக்கறி(காய்கறி)கள், பழங்கள் போன்றவற்றை அன்றாட உணவிற் சேர்த்துக் கொள்வதோடு, தினமும் 8 லீற்றார் நீர் அருந்துதல் நல்லது.
உடற் பயிற்சி எனும்போது, ஜிம்முக்கு போவது நல்ல தீர்வாக சிலர் நினைக்கிறார்கள். இவர்கள் அங்கு போவதை விடுமுறைக்காகவோ அல்லது நோய் அல்லது வேறு காரணங்களுக்காக நிறுத்தியவுடன் இழந்த கொழுப்பை திரும்பவும் அடையக் கூடிய நிலை ஏற்படுகிறது.உண்மையில் எந்தவித ஜிம்முக்கான செலவுமில்லாமல் அன்றாடம் 30 - 40 நிமிடம் நடைப் பயிற்சி செய்வதே போதுமானது. இதை கட்டாயமாக்கிக் கொள்ளவது அவசியம்.
சத்துள்ள உணவை உண்பதும், உடற்பயிற்சி செய்வதுமான ஆரோகியப் பழக்கத்தை கடைப் பிடித்தால் எடல் அதிகரிப்பினால் ஏற்படக் கூடிய நோய்களிலிருந்து நிரந்தரமாக விடுதலை பெறலாம்.

"விவரமான விவசாயி"

2007-03-28T22:33:00.000-07:00

துயரற்ற விவசாயிநான்
தோட்டத்திலும், வயலிலும்
தொழில்தான் என்மூச்சு.

வெயில் தின்றமுகமும்,
கையில் வறண்டதோலும்,
தோற்றம் கவர்வதில்லை,
நோக்கம் அதுவுமில்லை.
நோய்க்குப் பயமுமில்லை,
நோய்க்குப் பயமென்னிடமோ?

சுறுசுறுப்பில் நாஞ்சூறாவளி
தலையின்பார மூட்டையால்
நெருநெருக்கும் கழுத்துள்ளே
முதுகில் மூட்டைச்சுமையில்
அடிக்கடி இளைக்கும்மூச்சிலே.
சோர்வில்லாத முழுமூச்சோடு
செய்துமுடிப்பேன் செயல்பாத்து.

எடைகூடல், இடுப்புவலி
எலும்புருக்கி, புற்றுநோய்
நாரிப்பிடிப்பு, தோள்வலி,
மூட்டுவலி, முதுகுவலி
முழங்கால் கணுக்கால்வலி
தலையிடி தடிமன்காய்ச்சலென்று
தரையிலுங் கிடந்ததில்லை;
இருதயமும் இரும்புபோல
இதிலென்ன இரத்தழுத்தம்.

விவரமான விவசாயிநான்
வேதனைகள் எனக்கில்லை
செய்தொழிலே என்மூச்சு!

எழுதியவர்: செல்லி

"என்னிரத்தம்" கவிதை

2007-03-28T22:10:00.000-07:00

வித்தியாசமான விலங்கு......

2007-03-27T04:55:00.000-07:00

"கங்காரு, கொவாலாவும் காஞ்ச புல்லும்" என்ற பதிவுக்கு இந்தக் கட்டுரையை 3.4.2007 இல் எழுதி இருக்கிறேன்
அவுஸ்திரேலிய விலங்குகளில் பிளற்றிப்புஸ் (Platypus)ஒரு வித்தியாசமான விலங்கு ஆகும்.அவுஸ்ரேலியாவில் தஸ்மேனியா(Tasmania),விக்ரோறியா(Victoria),நியூ சவுத் வேல்ஸ்( New South Wales), குயின்ஸ்லாந்து ஆகிய மாநிலங்களில் பிளற்றிப்புஸ் காணப்படுகிறது. பிளற்றிப்புஸ் அவுஸ்திரேலியாவின் அடையாளச் சின்னமாகவும் விளங்குகிறது.இங்கே இருபது சதத்தில் இது இருப்பதை பாருங்கள்.
பிளற்றிப்புஸ் முட்டையும் இடும்:குட்டிகளுக்கு பாலும் ஊட்டுகிறது. இதனுடைய இன்னொரு வித்தியாசமான நடத்தை என்னவென்றால் இது நீரோடை, அல்லது சிற்றாறுகளில் நீந்தி இரை தேடும்போது கண்ணை மூடிக் கொள்ளுமாம்.

இதனுடய அலகு(சொண்டு-bill) வாத்தினுடைய அலகு போன்றது;ஆனால் பெரியது.இதனால் இது வாத்து-அலகு(duck-billed) பிளற்றிப்புஸ் என அழைக்கப்படுகிறது.
இது நீரிலும் நிலத்திலும் வாழக்கூடியது.ஆயினும் நீருக்குள் இரை தேடி நிலததுக்கடியில் ஒரு வளை(hole) தோண்டி அந்த வளைக்குள் வாழ்கிறது.இது மிக நீண்ட கிட்டத்தட்ட 50 அடி நீலமான வளையை நிலத்திற்கு அடியில் தோண்டக்கூடியதாம். இவ்வாறு பிளற்றிப்புஸ் கிண்டுவதற்கு நதிக் கரைகளில் உள்ள ஈரமண் இலகுவாக இருக்கிறது.

வீடியோவில் பார்க்க இங்கு சொடுக்கவும்.ஆகவே, இதன் தொழில் நீந்துதல், சாப்பிடுதல், வளை கிண்டுதல் என்பனவாம்.இந்த விலங்கு நீரில் கீழ் உலாவக் கூடிய உடலமைப்பைக் கொண்டது. இலகுவில் உலர்ந்துவிடக் கூடியதுமான தோல். உரோமங்களைக் கொண்ட, இதனுடைய நீண்ட வாலில் தேக்கி வக்கப்பட்டிருக்கும் கொழுப்பு குளிர் காலங்களில் பனிக் குளிர் நீரில் இது உறைந்துவிடாதபடி பாதுகாக்கிறது. இதனுடைய அலகு(bill) பறவைகளினது அலகு போல் அல்ல. இது மிருதுவான அதேநேரம்,அங்கிங்கு அசையக் கூடிய நெகிழ்வ்வுத் தன்மையுடயதாகும். இந்த அலகின் உட்புறத்தில் அதாவது கொடுப்புக்குள் பை (pouch) போல இருக்கின்றன.

நீருக்குள் கண்ணை மூடிக் கொண்டு இதனால் எப்படி உணவைத் தேடமுடிகிறது?
பிளற்றிப்புஸ்சின் அலகிலுள்ள மின்சார உந்து சக்தி இதற்கு உதவுகிறது. அதாவது,பிளற்றிபுஸ்சின் அருகில் இரை வரும்போது அலகின் ஒருவித மின்சார உந்துசக்தி அந்த இரையைப் பிடிக்கத் தூண்டுகிறது. யபி(yabby)

ஸ்றிம்ஸ்(shrimp), மற்றும் நீரில் வாழுகிற சிறு பிராணிகளையும் இது பிடித்துத் தின்னும்.இவற்றை நீருக்கு அடியியில் நீந்திப் பிடித்தவுடன் இது தின்பதில்லை. உடனே பிளற்றிபுஸ் வாயால் கவ்வி அதன் குடுப்புக்குள் உள்ள பை(pouch) க்குள் அடைந்து வைத்துக் கொண்டு தண்ணீருக்கு வெளியே வந்ததும் கொண்டுவந்த இரைகளை பைக்குள்ளிருந்து எடுத்து உண்கிறது.இதனால் இது ஒரு வித்தியாசமான விலங்கா உள்ளது.

ஆண் பிளற்றிப்புஸ்சின் பின் கால்களில் ஒரு மிகச் சிறிய விசமுள்ள கொம்புவடில் ஒரு நகம் இருக்கிறது.எதிரிகளிடமிருந்து தப்பித்துக் கொள்ள இந்த விச நகத்தால் குத்துகிறது.
இந்த விசம் ஒரு நாயைக் கொல்லக் கூடியளவு கடிமையானதாம். ஆனால் மனிதரை கொல்லாதே தவிர நோய்க்கு அவர்களை ஆளாக்கிவிடுமாம்.

பெண் பிளற்றிப்புஸ் இரண்டு வருடத்தின் பின் வழக்கமாக 2க்கு குறைந்த முட்டை இடுகிறது. அவை ஒரு அங்குலத்திலும் சற்றுக் குறைவான நீளமுடையவை. இதன் குட்டிகளுக்குப் பாலூட்ட முலைக் காம்புகட்கு பதிலாக இரு பைகள் (pouch) இருக்கின்றன. குட்டிக அவற்றுள் அலகை வைத்து பாலை உறிஞ்சிக் குடிக்கின்றன.ஏனைய விலங்குகளோடு ஒப்பிடும்போது இதுவும் வித்தியாசமாகத் தான் இருக்கிறதல்லவா!

மேலும் தகவல்களுக்கு விக்கிப் பீடியாவைப்நன்றி,படங்கள்: இமேஜ் கூகிள்

இலக்கியத்தில் வரும் உணவுகள்.

2007-03-26T16:44:00.000-07:00

தமிழிலுள்ள ஞான நூல்களில் தலையாயது "சிவஞானபோதம்" என்ற நூல் ஆகும் சிவஞானபோதத்தை இயற்றியவர் 13-ஆம் நூற்றாண்டில் வாழ்ந்த அருள்மிகு மெய்கண்ட தேவநாயனார் ஆவார். அந்த சிவஞானபோதத்திற்கு பேருரை விரித்தவர் திருவாவடுதுறை அதீனத்தைச் சார்ந்த மாதவச் சிவஞான யோகிகள். இவர் ஒருமுறை விருந்தினர் வந்தபோது அவர்களுக்கு உணவு கொடுக்க சமையலாளிடம் என்னென்ன எப்படிச் செய்ய வேண்டும் என கட்டளை இடுவதை கீழ்வரும் பாடலில் காணலாம்.

சற்றே துவையல்அரை தம்பிஒரு பச்சடிவை
வற்றல் ஏதேனும் வறுத்துவை - குற்றம்இலை
காயம்இட்டுக் கீரைகடை கம்மெனவே மிளகுக்
காய்அரைத்து வைப்பாய் கறி

ஒரு துவையல், அரையல்-பச்சடி(யாழ்ப்பாணத்தில் சம்பலைப் பச்சடி என்போம்),வறுவல்- வற்றல் குழம்பு என நினக்கிறேன்,கடையல்-கீரை (யாழ்ப்பாணத்திலும் முளைக்கீரையை அவித்துக் கடைவோம்), அரையல்-கம்மென்று மணம் வீசும் மிளகை அரைத்துவைக்கும் ரசம். இந்த அரையல் பொடியாக ( மாவாக )அரைப்பதை குறிக்கிறதாக் இருக்கலாம்.

இது தவிர, இன்னொரு வேளையில், சிவஞான முனிவர் வந்த விருந்தினரை வரவேற்று என்ன உணவளிக்கிறார் என்பதை நோக்குவோம்.

அரன்சிரம் காணாப்புள்ளும்
அத்துடன் இறக்கும்பூமி
வரன்முறை யாகவந்த
வடசொலில் சுவையாம்ஒன்றும்
கரம்தனில் அள்ளிஉண்ணக்
களிதரு பாயாடொடு
உரமலர் மந்தன்கூட்டும்
உண்ண வருகுவீரே

அரன் சிரம் காணாப் புள் என்பது அன்னப் பறவை. அன்னம் சோற்றைக் குறிக்கிறாது; , சாம்+ பார் சாகும் என்றால் இறக்கும், பார் என்றால் பூமி என்பதாக இறக்கும் பூமி என்பது சாம்பார் எனக் கருத்தாகிறாது. தமிழகத்தில் சாம்பார் பிரதான கறிகளில் ஒன்று. ஆனால் யாழ்ப்பாணத்தில் சாம்பார் என்ற சமையல் இருக்கவில்லை.வடமொழியில்(சொல்) சுவை எனறால் ரசம் என்று பொருள்.பாய்+அடு + ஒடு = பாயாடொடு. இதில் பாய் என்பது பாய்கின்ற, அடு என்பது அசம் (வடமொழியில்), என பாயாடு பாயாசம் என்றாகி வருகிறது. சனீஸ்வரனுக்கு இன்னொரு பெயர் மந்தன் என்பதாகும் மலர் என்பது "பூ" வைக் குறிக்கும்.எனவே "மலர்மந்தன்" என்பது "பூசனி" யைக் குறித்து நிற்கிறது.
அன்னம், சாம்பார், இரசம், பூசனிக் கூட்டு, பாயசம் போன்ற எல்லாமுடன் விருந்து கொடுக்கிறார் பாருங்கள்!

Weird-வியேட்.?....ம்ம்..சரி . ஏதாவது எழுதுகிறேனே

2007-03-25T00:33:00.000-07:00

வியேட் ஆக எதையென்றாலும் எழுத துளசியின் அழைப்பு வந்ததும்,மறுக்க முடியுமா?. ஆனா weird ஆக எதை எழுதுவது என்பதே வியேடாகத் தான் இருந்தது. உஷா அவங்களும் மனச்சாட்சியை எழுதச் சொல்லி அழைப்பு விடுத்தார்.உஷா, இது தானுங்க என் மனச் சாட்சி!, வியேடா இருக்குது, பார்த்தீங்களா!.
என்னைப் பற்றி என்ன வியேட் ஆக இருக்கு என்று யோசிச்சு பார்த்தேன். என்னோட குட்டிக்குட்டி மறதிகளைப் பற்றி எழுதப் போகிறேன்.வீட்டைப் பூட்டிட்டு போய், இரண்டு மூண்டு கீ.மீ போயிட்டுத் திரும்பி வந்து கதவை ஆட்டிப் பார்ப்பேன்; அடுப்பை நிப்பாட்டி விட்டுப் போய் (நிப்பாட்டின்னான் என்பது சரியாக நினைவிருந்தாலும்) பயங்கரக் கற்பனை எல்லாம் மூளைகுள்ள ஓடும், உடன திரும்பி வந்து அடுப்பைப் பாப்பேன்.அது ஏற்கனவே நிப்பாட்டுப்பட்டுத் தான் இருக்கும்.

பையன்களை 4 pm மணிக்கு ஏத்திக் கொண்டுவர ரயில்வே ஸ்ரேசனுக்கு போறதுக்கு முதல் மூண்டரை மணிக்கு ஒரு குட்டித் தூக்கம் போட்டு, ஃப்போன் அடிக்க எழும்பி நேரத்தைப் பார்த்தா நாலரை மணியாயிருந்தது. ஸ்ரேசனில பையன்கள் அழுதபடி இருந்தாங்கள்.அதற்குப் பின் பகல்த் தூக்கமே வர்றதில்லை.இது நடந்து 3 வருஷத்துக்கு மேலாகிறது.

ஒரு முறை காரை பாக் பண்ணிட்டு திரும்ப வந்து காருக்கு சற்றுக் கிட்டவாக நின்று கொண்டே காரை எங்கை பாக் பண்ணினேன் என்று தேடி இருக்கிறன்.சின்ன வயசில பள்ளிக்கூடத்தில லஞ் box, புத்தகங்களை மறந்து விட்டிட்டு வந்த கதையிலிருந்து இன்னும் தொடர்கிறது.இருந்தாலும் இவற்றை நினைத்துப் பார்த்தா வியேடாத் தான் இருக்கு.

சாத்திரம்(சோதிடம்) கொஞ்சம் பார்க்க தெரியும் என்றதால ஒரு தடவை ஒருத்தர் தனக்கு அதிஷ்ட லாபச் சீட்டில காசு வருமோ என்று பார்த்துச் சொல்லச் சொன்னார்.நானும் சும்மா ஹொபியாக அந்தக் குறிப்பைப் பார்த்து விட்டு குறிப்பிட்ட காலத்தின் பின் அப்படி நடக்கலாம் என்று சொல்லி,காலத்தையும எழுதிக் குடுத்தேன்.என்ன எழுதிக் கொடுத்தேன் என்றே ஞாபகமில்லை.ஐந்து வருடங்கழித்து அந்த நபருக்கு எத்தனையோ மில்லியன் கிடைத்ததாம் எனக் கேள்விப்பட்டேன். நான் சொன்னது பலித்து விட்டது என நினைக்கும்போது வியேடாகத் தான் இருந்தது.
அதன் பின் ஒரு அம்மா எனக்கு அம்மன் வாலாயம் இருக்கிறதோ? எனக் கேட்டார்.ஏனென்றால் நான் சொல்வது பலிக்கிறதாம். அதற்குப் பிறகு சாத்திரம் யாருக்கும் சொல்வதில்லை.ஏனென்றால் என்னை அம்மனாக்கி அபிஷேகம் செய்துவிடுவார்களோ என்ற பயந்தான்.இவற்றை நினைக்கும்போது வியேடா இருக்குதுங்கோ!

எதிகாலத்திற்கு திட்டம் போடுறது, ஓய்வு காலத்திற்கு சேமிக்கிறது அதுக்காக இன்வெஸ்மன்ற்க்கு வீடு வாங்கிறதெல்லாம் செய்யிறதில்லையுங்கோ.ஏனென்றால் சிறுவயசிலிருந்தே போர்க் காலச் சிக்கலில தப்பிப் பிழைத்ததால் மரணம் என்பது தூசாகிவிட்டது. எப்பவுமே அதற்குத் தயார். ஆனா அப்பிடியானவங்களுக்கு மரணம் கெதியா வராதாமே! என்று எங்க அம்மா சொல்லுவா.இது உங்களுக்கு வியேடாத் தெரியலையா?

இப்போதைக்கு இது போதும் என நினைக்கிறேன். இனி அடுத்து வியேடா யாரு வரப் போறாங்க பார்ப்போமே!
இந்த விளையாட்டுக்கு நான் அழைக்கிறேன்

யோகன் - அவனுக்கு வியரடி!!( Weird )
வெற்றி
சந்திரவதனா - WEIRD - 14வது மாடிக்கு நடந்தே போகிறேன்
சின்னக்குட்டி -...விசித்திரமாண குணாம்சமா. உளபிறள்வா.
வசந்தன்

"வியேட்" பற்றி எழுத என்னை அழைத்தவர்களின் அனுபவப் பதிவுகள்:
கிறுக்ஸ் & கிறுக்ஸ்(weird)
'வியர்ட்' மனதின் இரட்டைநிலை...
நான் ரிஸ்க் எடுப்பேன் !
நானொரு 'வியர்டூ'ங்க
"நான் ஒரு வியர்டு தானே! தெரியாது?"
"தொட்டிற் பழக்கம் - ஒரு weird பதிவு"

மனித உழைப்பு ஒரு வேளை சோற்றுக்காகவா?.......அதுவும் பிரச்சனை தருகிறதா?

2007-03-14T14:36:00.000-07:00

மனிதன் தொழில் எதற்காகச் செய்கிறான்? மாடிவீடு,கார், நல்ல உடைகள் என ஆடம்பரமாக வாழ்வதற்கா? அல்லது அன்றாட தேவைகளைப் பூர்த்தி செய்யவா? இந்தக் காரணங்கள் எப்படி இருந்தாலும், அடிப்படையில் மனிதன் உழைப்பது உணவுக்காகத் தான் என்பதை மறுக்க முடியாது.பெரும் வருமானந் தரும் தொழிலானாலும் சரி, சிறு வருமானந்தரக் கூடியதொழிலானாலும் சரி மனிதன் உழைப்பது சாப்பாட்டுக்காகத் தான்.பசி என்பது எல்லா மனிதருக்கும் உண்டு.ஏனெனில் மனிதன் தன் மானத்தோடு வாழ விரும்புபவன். தனக்குத் தேவையான உணவை தானாகத் தேட வேண்டும்.
புராதன காலத்திற் கூட மனிதன் வேட்டையாடி அதாவது அந்த வேட்டைத் தொழிலைச் செய்து உணவைப் பெற்றுக் கொண்டான். மனிதனின் அறிவு விருத்தியடைந்து அவன் கல்வியைக் கற்கத் தொடங்கினான். தனிய அறிவுக்காக மட்டுமல்ல, தொழிலுக்காகவும்தான் கல்வியைக் கற்கிறான். அவனவன் கல்வித்தகமைகளுக்கேற்ப தொழிலைச் செய்கிறான்.பெரிய அரசன் ஆனாலும் சரி, தொழிலதிபரானாலும் சரி, அன்றாடம் உழைக்கும் கூலிக்காரன் ஆனாலும் சரி அவர்கள் உழைப்பின் அடிப்படை ஒரு வேளை உணவுக்குத்தான். இதனைத்தான் கீழ்வரும் பாடலில் குறிப்பிடுகிறது.

சேவித்தும் சென்று இரந்தும் தெண் நீர்க்கடல் கடந்தும்
பாவித்தும் பாராண்டும் பாட்டு இசைத்தும் போவிப்பம்
பாழின் உடம்பை வயிற்றின் கொடுமையால்
நாழி அரிசிக்கே நாம். (19, நல்வழி)

வயிற்றுப் பசியின் கொடுமையினாலே மற்றவரை வணங்கியும்; சென்று இரங்கிக் கேட்டும்;கடல் கடந்து வெளிநாட்டுக்குச் சென்றும்;(திரை கடலோடியும் திரவியந் தேடு) ஒன்றுக்கும் தகுதியற்ற அற்பர்களை (தொழில் தேவைக்காக) பெரியவர்களாக (நீ தானையா பெரிய மனுசன் என முகஸ்துதி பேசி) பாவித்தும்;உலகை ஆண்டும் (முன்பு அரசன் ஆண்டான் தற்போது அதிகாரங்களை வைத்து பல பேர் பல இடங்களில் ஆளுகிறார்கள்) செல்வர்களைப் புகழ்ந்து பாட்டுப் பாடியும் நாம் இந்த உடம்பை ஒரு படி அரிசிக்காகவே உழைத்துக் கொண்டிருக்கிறோம்.

இப்படி அடிப்படையில் உணவுக்காக உழைக்கும்போது, அந்த உணவே அவனது உடல்நலத்திற்கு கேடு விளைவிக்கிறது என்றால் அது யாருடைய தவறு?.இதற்கு மனிதனுடைய உடற் சோம்பல், மனச் சோம்பல்தான் காரணம். இன்றைய மனிதன் அந்த உணவை வயதிற்கேற்ப சரியான அளவில், உரிய நேரத்தில், ஊட்டச் சத்து உள்ளதாக உண்ணத் தவறியதால் தற்போது உலகெங்கும் உடல் "எடை அதிகரிப்பு"(over weight) பெரும் பிரச்சனையாக உருவெடுத்துள்ளது.
உடலில் அதிகரித்துள்ள கொழுப்பு (obesity)வயதானவர், இளையஞர், சிறுவர் என்ற வயது வேறுபாடின்றி பிரச்சனையாக இருந்து வருகிறது.உடலில் கொழுப்பின் அளவு கூடும்போது உடலின் எடை (நிறை) அதிகரிப்பு ஏற்படுகிறது. இந்த எடை அதிகரிப்பு பல நோய்களுக்கு இடமளிக்கிறது.இருதய சம்பந்தமான நோய்கள், கொலஸ்திரோல் பிரச்சனை, நீரிழிவு, புற்றுநோய் என்பவற்றை உதாரணமாகக் குறிப்பிடலாம்.அத்துடன், ஓடி, ஆடி வேலை செய்யும் ஆற்றலைக் குறைக்கிறது; இதனால் தொழில் வாய்ப்பை இழக்க நேரிடுகிறது; சமூகத்தில் மதிப்பை குறைக்கிறது; மன அழுத்ததைக் கொடுக்கிறது.

இந்த எடை அதிகரிப்புப் பிரச்சனைக்கு சூழல், பழக்க வழக்கங்கள், பரம்பரை, பிறப்பு சம்பந்தமான காரணங்கள் தொடர்பு பட்டிருந்தாலுங்கூட, உணவு முக்கிய பங்கு வகிக்கிறது என்பதை யாரும் மறுப்பதற்கில்லை.
_____________________________________________________________________________________

எந்தப் பாம்பு என்றாலும் பாம்புதானே! ...ஒரு பாட்டும் கேட்கலாம்

2007-03-08T16:15:00.000-08:00

பாம்பைக் கண்டா சாதரணமாக படையே நடுங்கும். அவுஸ்திரேலியாவிலே மண்ணிற பாம்பென்றால் (Brown Snake) எல்லாருமே மிகவும் பயப்பிடுவார்கள்.ஏனென்றால் இது உலகிலுள்ள மிகவும் விசமுள்ள தரைப் பாம்புகளிலேயே இது இரண்டாவதாம்.
இரண்டு மீற்றர் நீளமுள்ள இந்தப் பாம்பு தரையில் துரிதமாக ஊரும். இந்தப் பாம்பு ஒருமுறை கடித்துவிட்டு ஓடிவிடாது. இதற்கு விரைவில் கோபம் வந்திடுமாம்.யாராவது தன்னைத் தாக்க வருகிறார்கள் எனும்போதுதான் அது கோபத்தில் திரும்பத் திரும்ம்பக் கொத்துகிறதாம்.இவை மக்கள் வாழும் இடங்களை அண்டி வாழுகின்றன. காரணம் என்னவெனில் அங்கு தான் இவைக்கு தேவையான உணவு அதாவது எலி, தவளை, முயல் போன்றன கிடைக்கிறது. இதனால் அவுஸ்திரேலியாவின் சிறு நகர்ப்புறங்களில் இவற்றின் நடமாட்டம் அதிகமாக இருக்கிறது.(1)இவை ஆவுஸ்திரேலியாவிலேயே குயின்ஸ்லாந்தில்த் தான் அதிகமாக் காணப்படுகின்றன. எங்கள் பக்கத்து சிறு நகரமான வெஸ்ற்லேக்கில்(Westlake) மண்ணிறப் பாம்பொன்று கடந்த வாரம் ஒரு நாயைக் கடித்திருக்கிறது. அதுவும் வீட்டிற்குள்ளே வந்து தாக்கி இருக்கிறது. எந்தப் பொந்துக்குள்ளும் இலகுவில் இந்த வகைப் பாம்புகள் நுழையக் கூடியவை என்பதால் இவை வீடுகளுக்குள் (யன்னல் ஊடாக) செல்வதில் ஆச்சரிய்ப்பட ஒன்ற்மில்லை.

நாயைக் கொத்துவதைக் கண்ட அந்த வீட்டுப் பெண் துவாய் ஒன்றை பாம்பிற்கு எறிந்து அது மூடுப்பட்டவுடன் அந்த நாயை அந்த இடத்தை விட்டு அகற்றி இருக்கிறார். பின்னர் பாம்பு பிடிப்பவரின் உதவியை நாடினார். தனது நாய்க்கு இந்த ஆபத்து ஏற்பட்டதால் அயலவருகு இச் சப்பவம் ஒரு எச்சரிக்கையாக இருக்கட்டும் என அந்தப் பெண் வேன்டிக் கொண்டார்.(2)

இதே போல் மாசி மாதம் 2007 இல் மிடில் பாக்(Middle Park) எனும் இடத்தில் கெயித் ற்றவேஸ் (Keith Travers) என்பவரை ஒரு மண்ணிறப்பாம்பு கடித்து அந்த நபர் இரண்டு நாள் தீவிர சிகிச்சைப் பிரிவில் சிகிச்சை பெற்றாராம் என பாம்பு பிக்க உதவுபவர் குறிப்பிட்டார். பதினாறு வயதுப் பையன் ஒருவனும் 13/1/2007 இல் சிட்னியில் இந்தப் பாம்புக் கடியால் மரணமடைந்திருக்கிறான்.(1) 1998 இல் இந்த பாம்பு கொத்தி 6 பேர் இறந்திருக்கிறார்களாம். வருடத்திற்கு சராசரியாகப் பார்த்தால் 2 பேர் இறக்கிறார்களாம்.(3)

இந்த பாம்புகள் பற்றிய தகவல்கள், கதைக்ளை அறியும்போது யாழ்ப்பாணத்தில் எங்கள் ஊரில் அடிக்கடி எங்கும் காணக் கூடிய சாரைப் பாம்பின் நினைவுதான் வருகிறது. சாரை ஊரும்போது சர சர என எழுப்பும் என்ற ஒலிக் குறிப்பின் அடப்படையில் சாரை என்று பெயர் வந்திருக்கலாம் என நான் நினைக்கிறேன். ஆனால் வேகமாகப் போகும் பாம்பிற்குச் சாரைப் பாம்பு என்றும் பெயர் உண்டாம் என்கிறார் ராம். கி. (4)
அத்துடன், முத்திரப் பிடையன், கோடாலிப் பாம்பு பற்றியும் கேள்விப் பட்டிருக்கிறேன். இவை விசமுள்ள பாம்புகள் என்பர். ஆனால் சாரையைக் கண்டால் யாரும் அங்கு பயப்பட்டதாகத் தெரியவில்லை. இது விவசாயிக்கு தோட்டத்தை நாசம் செய்யும் எலி,தவளை,முயலை இது பிடித்துத் தின்பதால் "விவசாயியின் நண்பன் " என்றும் சொல்லப்படுவதுண்டு.(5) வீடுகளில் வரும் சாரை கோழிக் குஞ்சைத் தின்றுவிடும் என்றும் பயப்படுவர். கோழியின் முட்டையையும் இது தின்பதால் இதனைக் கண்டால் வீடுகளில் துரத்திவிடுவர்.எங்கள் வீட்டில் பாம்ப வித்தியாசமான முறையில் துரதி ஓட்டம் பிடிக்கச் செய்வோம். மண்ணெண்ணையை ஒரு சேலைத் துணியில் நனைத்து நீளமான தடியில்க் கட்டி பாம்பின் முகத்தில் அல்லது உடம்பில் தேய்க்க அது ஒரே ஓட்டமாய் ஓடிவிடும். ஏனென்றால் மண்ணெண்ணை பட்டால் அதற்கு உடம்பு எரிவதுபோல் இருக்குமாம்.

இறுதியாக ஒரு பாடலை கேட்டு மகிழுங்கள். இது பேய் பிசாசு பற்றிய பாட்டு. இதிலே, "சருகுமேலே சாரைப் பாம்பு சர சரக்குதே" என ஒரு வரி வருகிறது.சாரைப் பாம்பென்றாலும் என்றாலும், பாம்பு பாம்புதானே! பயம் வராமல் இருக்குமா?
உசாத்துணை உதவிகள்
1. http://en.wikipedia.org/wiki/Pseudonaja_textilis
2. South-West News Paper 7.3.2007
3. www.burkesbackyard.com.au/1999/archives/25?p=2000
4. http://www.treasurehouseofagathiyar.net/01400/1479.htm
5. http://www.cviewmedia.com/Herp_News%5CHN02707.htm
படம்: www.pbase.com, www.qm.qld.gov.au/features/snakes/snakedetail...
பாடல்:ravianbil.com/kummiruttulae.mp3
________________________________________________________________________________________
படித்துப் பார்த்து உங்க கருத்தைச் சொன்னீங்க என்றால் மிகவும் நன்றியாயிருப்பேன். அன்புடன் செல்லி

"ஒரு குவளை தேநீர்.......".....

2007-03-02T04:22:00.000-08:00

அவுஸ்திரேலியாவுக்கு நிரந்தர வசிப்பிடவாதியாக வந்தவுடனே, உடனடியாகச் செய்யப்பட வேண்டிய அலுவல்கள் சில உண்டு. அவை
தொழிலற்றவர்களுக்கு கொடுக்கப்படும் சலுகைப் பணம் (dole) பெறுவதற்கு social security(1997 ற்குப் பின் centerlink என்று மாற்றப்பட்டுள்ளது) யில் பதிவு செய்ய வேண்டும்;
C.E.S இல் (Commonwealth Employment Service -தற்போது தனியார் முகவர் நிலையங்கள் இந்தச் சேவையைச் செய்கின்றன) தொழிலுக்குப் பதிவு செய்யவேண்டும்;
இலவச மருத்துவ வசதியைப் பெற Medicare க்குப் பதிய வேண்டும்;
வங்கியில் புதுக் கணக்கு ஆரம்பிக்க வேண்டும்;
வாடகைக்கு இடம் தேடவேண்டும் என்பனவாகும். இவை தெரிந்தால்த் தான் இக் கவிதை உங்களுக்குப் புரியும்.

வந்தநாடும் புதிது
வாய்த்தவரும் புதிது
வயிற்றிலும் புதிது
வாந்தியும் புதிது
வருந்தலைச் சுற்றும் புதிது

வந்ததுமே குந்தியிருந்தா
வந்திடுமா dole உடனே
social security இல் பதிய
C.E.S இல் தொழிலுக்குப் பதிய
வங்கியில கணக்குத் திறக்க
வாடகைக்கு அறை எடுக்க
அடுக்கடுக்காய் இவ்வலுவலுக்கு
அலைஞ்சதனால் தலைசுற்றி
அருந்திடத் தேநீரை
ஆவலாய்த் தேடினேன்
அங்கெலாம் இருந்ததோ கோப்பிக்கடை!

ஊர்க் கோப்பியை நினைத்து
உள்ளே நுழைந்தவுடன்
"ஒரு குவளை கோப்பி"யென்றேன்
"பிரச்சனை" இல்லையென்றவள்,
"கறுப்பா? வெள்ளையா? அதற்குச்
சீனி ஒன்றா? இரண்டா?
Expresso வா? Moccona வா?"
என்றேதேதோ சொன்னாள்...
ஏற்கனவே சுற்றியதலை
இன்னும் சுற்றியது.

ஊர்த் தேநீரை நினைக்க
ஊறியது வாயில் உமிழ்நீர்
"மனதை மாற்றிவிட்டேன், மாறாக
ஒரு குவளை தேநீர் "என்றேன்.
"கவலையில்லை" என்றவள்..
"பச்சையா? கறுப்பா?
English Breakfast ரா?
China Jusmine னா?"
இதைக் கேட்டதும் தலை
இன்னும் சுற்றியது.
"மனமில்லைத் தேநீருக்கு, அதனால்
பச்சைத் தண்ணீர் போதும்" என்றேன்.

விளக்கம்

பிரச்சனை இல்லை - No problem
கவலையில்லை - No worries
கறுப்பா? -அதாவது, பால் கலக்காதது
வெள்ளையா? -பால் கலந்தது
சீனி ஒன்றா? இரண்டா? - சீனி(சர்க்கரை-தமிழகத்தில்) ஒரு கரண்டியா? இரண்டு கரண்டியா?

Expresso, Moccona -கோப்பியின் வகைகள்
பச்சையா ? - Green tea
கறுப்பா? - Black tea , ஊரிலே இதை plain tea என்பார்கள்.
English Breakfast ,China Jusmine - தேயிலை வகைகள்
___________________________________________________________________
வருகைக்கு நன்றி, ஒரு வரி எழுதீட்டுப் போனீங்க என்றால் அதுக்கும் ஒரு நன்றி. அன்புடன் செல்லி.

"நாளை நினையேன்" - கவிதை

2007-02-25T03:09:00.000-08:00

இக் கவிதை கணேசன் ( பல்கலைக் கழக மாணவன்)எழுதி அனுப்பியிருந்தார். அப்படியே அதனை இப் பதிவில் தருகிறேன்.

கருத்தினில் அன்பாய்,
பொருந்தியே நின்றாய்.
இருமனம் பொருந்தச்
சம்மதம் கேட்டேன்.

நாளை வருகிறேனேன்றாய்
நாளையை நிலமெங்கும்
நாளை நாளையென
நாளைவரை கிறுக்கினேன்

நிலமெல்லாம் கேட்டது
நிலம் நிறைந்தநாளை
புலர்ந்து வெகுநேரமாயும்
தலமிங்கு வரவில்லையேன்?

நெருக்கமாய்க் கோடியிலே
இருக்கிறாய் எனவறிந்தேன்.
இருக்கிறாயோவென இனிமேலுனை
ஒருக்காலும் நினையேன்.

எழுதியவர்: கணேசன்

குயின்ஸ்லாந்தில்(Queensland) பவன்(BOWEN) மாம்பழமும் புட்டும்

2007-02-11T18:14:00.000-08:00

குயின்ஸ்லாந்தில்(Queensland) பவன்(BOWEN) மாம்பழமும் புட்டும்
புட்டோடு தின்ன கறுத்தக் கொழுந்து மாம்பழம் இல்லையே என் ஏங்கிய எமக்கு பவன் மாம்பழம் ஒரு வரப்பிரசாதம்.மார்கழி நடுப்பகுதியிலிருந்து மாசி முற்பகுதிவரை பவன் மாம்பழம் மிகவும் மலிவாக கிடைக்கும். இது இங்கு கோடை விடுமுறைக் காலம் என்பதால், எங்கள் வீட்டில் தினமும் காலையில் புட்டும் மாம்பழமும்தான் நித்திய மேளம். படத்தைப் பாருங்கள் உங்களுக்கும் ஆசை வரும்.ஐரோப்பிய குடியேற்ற ஆரம்ப காலங்களில் வடகுயின்ஸ்லாந்திற்கும் தென்கிழகாசியாவிற்கும் ைடையிலான வியாபார கப்பல்களூடா மாம்பழங்கள் அறிமுகப் படுத்தப்பட்டதாகக் கூறப்படுகிறது.(1) அவுஸ்திரேலியாவில் மிகவும் பிரபலமான மாம்பழம் கென்சிங்ரன்( Kensington Pride or Bowen Special, ) அல்லது பவன் எனப்படும் விசேடசமான மாம்பழந்தான்.இது கடும் மஞ்சள் நிறமுடைய அடிப்பாகத்தில் சிவப்பு நிறமுடைய பெரிய மாம்பழமாகும். இந்த மாம்பழம் தும்பற்ற, சதைப்பிடிப்புள்ள, வைற்றமின் "சீ" நிறைந்த மிக இனிப்பான மாம்பழம் ஆகும்.
படம்: நன்றி (4) .bowentourism.
வட குயின்ஸ்லாந்தில் பவன் (Bowen) எனும் இடத்தில் விளைவதால் இதற்க்கு இந்தச் சிறப்புப் பெயர். இந்த நகரத்திலிருந்து 4 மி.மீ தூரத்தில் (The BIG Mango) "ஒரு பெரிய மாம்பழம்" என்ற இடம் சுற்றுலாப் பிரயாணிகளைக் கவரும்வண்ணம் அமைந்திருக்கிறது. இந்த இனிய மாம்பழம் பவன் நகரத்தின் பெயருக்குப் புகழ் சேர்ப்பதால்அங்கு "ஒரு பெரிய மாம்பழம்" செயற்கையாகச் செய்யப்பட்டு இருக்கிறது. இதனைப் படத்தில் காணலாம்.

பவன் (BOWEN) மாம்பழம் என அழைக்கப்படும் கென்சிங்ரன் பிறைட்(Kensington Pride) இன மாம்பழந்தான் அவுஸ்திரேலியாவிலேயே மிகச் சிறந்த மாம்பழம் எனில் தவறாகாது. அண்மைக் காலதில் கிளென்,நாம் டொக் மாய், ஏளி பேட், புளோரிகன், ஆன், இர்வின், கென்ற் (Glenn, Nam Dok Mai, Early Gold, Florigan, Ann, Irwin,Kent)என்ற பல வகை மாம்பழங்கள் சந்தைக்கு வந்தபோதும், (3)அவற்றில் எந்த மாம்பழமும் பவன் மாம்பழத்தின் உருசிக்கு ஈடுகொடுக்க முடியவில்லை. அதனால் எப்பவுமே பவன் மாம்பழத்திற்கு படு கிராக்கி உண்டு.இப்பிடி எத்தனை மாம்பழங்கள் இருந்தாலும் எமக்குப் பிடித்ததும் (BOWEN)மாம்பழம்தான். சித்தினிப்பான சதைப் பிடிப்புள்ள மிகவும் பெரிய பழம். தின்ன தின்னத் தெவிட்டாதது.

இந்த பவன் மாமரம் நடுத்தரத்திலிருந்து பெரிய மரம் வரை காணப்படுகிறது.(3) இம் மரம் இந்தியாவில் தோன்றியதாக முதலில் கருதப்பட்டாலும், மிக நெடுங்காலமாக இம்மாம்பழ உற்பத்தி இடம்பெற்று வருவதால் உண்மையில் இது எங்கு தோன்றியது எனச் சொல்வது கடினமெனக் கருதப்படுகிறது.

திறமான மாம்பழக் கொட்டையிருந்து பவன் மாமரம் உற்பத்தி செய்யப்படுகிறது. இந்தக் கொட்டை பல மாங்கன்றுகள் முளைக்கக் கூடிய தன்மையைக் கொண்டதாம். அண்மைக் காலத்தில் நியூசவுத் வேல்ஸ் போன்றஏனைய இடங்களில் "ஒட்டு இன பவன்" மாமரச் செய்கை இடம் பெற்றுவருகிறது(2) என
பசும்பொன் தோட்ட கருத்துக்கள் (GREENGOLD GARDEN CONCEPTS) தெரிவிக்கின்றன

படம்:நன்றி GREENGOLD GARDEN CONCEPTS
யாழ்ப்பாணத்தில் எந்தளவுக்கு கறுத்தக் கொழுந்து மாம்பழம் பிரசித்தி பெற்றதோ அந்தளவுக்கு அவுஸ்ரேலியாவில் பவன் மாம்பழ்ம் பிரபல்யமானது. வருடம் முழுவதும் வெப்பமுள்ள வட குயின்ஸ்லாந்து மாநிலத்தின் காலநிலையே இந்த மாம்பழச் செய்கைக்கு ஏற்றதாயினும்,நியூசவுத் வேல்ஸின் கடற்கரையோரப் பகுதிகளிலும் இச் செய்கை இடம் பெறுகிறது. என்றாலும் குயின்ஸ்லாந்து பவன் மாம்பழத்திற்குத்தான் சரியான கிராக்கி உண்டு.
உசாத்துணை வலைப் பக்கங்கள்:
1. http://www.freshforkids.com.au/mango.htm
2. http://www.ricecrc.org/reader/tropicalfrt/mango-growing-5004.pdf
3. http://www.greengold.com.au/greengold/CARENOTES/CARENOTES/mango.htm
4. http://www.bowentourism.com.au/things_do_see/the_big_mango.html

அழகியின் ஆக்கத்தோடு அடியேன் ஆக்கமும் சேர்த்து ஆனது இக் கட்டுரை.
______________________________________________________________________________________________________
ஓரிரு சொற்களிலாவது உங்கள் கருத்தைச் சொன்னால்.....மிக நன்றி

கவிதைகளில் வரும் முருங்கைக் காய் - சுவைத்து பாருங்கள்!

2007-02-08T15:50:00.000-08:00

முதலில் எஸ். பொ. நினைவுகளிலிருந்து ஈழத்து கவிஞர் நீலாவணனின் " முருங்கைக் காய்" என்கின்ற கவிதையை தருகிறேன்.

கனநாள் கழிந்தொரு கவிதை சுரந்தது!
கோப்பியொன் றடித்தேன்;
கொப்பியை விரித்தேன்
கூப்பிட்டாள் இவள்?
ஏனோ? என்றேன்.

கறிக்குப்
புளியம் பழம்போல றால்
வாங்கியிருக்கின்றேன்.
அதற்குள் வைத்துக் குழம்பு வைக்க
முருங்கைக் காய்தான் ருசியாய் இருக்கும்!
ஆதலால்,
அதோநம் வாசல் முருங்கையின்
உச்சிக் கந்தில்...
ஒன்று...இரண்டு....மூன்று,
நீண்டு முற்றிய காய்கள்
ஒருக்கால்...ஏறி
உசுப்பி விடுங்கள்; என்றாள்!

மறுக்கலாம்....
மீண்டும் இரவுகள் வராவேல்!
அதற்காய் இசைந்தேன்;
அவள் விருப்பின்படி
முருங்கையில் ஏறி, முறிந்து
விழுந்தேன்!

" மறுக்கலாம்....
மீண்டும் இரவுகள் வராவேல்!"
முருங்கைக் காயின் பின்விளைவை முன்கூட்டியே கவிஞர் உணர்ந்துதான் இப்படிப் பாடுகிறாரோ?. படிப்போரை இப்படிச் சிந்திக்க வைக்கிற வரிகள் இவை.
பாவம் கவிஞர்! "மனிதன் ஒன்றை நினைக்கத் தெய்வம் வேறொன்றை நினைக்குமாம்" என்பதுபோல் ஆகிவிட்டது. கடைசியில் "முருங்கையில் ஏறி, முறிந்து
விழுந்து" அன்றிரவு படுிக்க வேண்டி வந்துவிட்டதே! அருமையான கவிதை! நான் ஈழத்தில் வாழும் காலத்தில் வாழ்ந்த இந்த கவிஞரை சந்திக்கவில்லையே என்று கவலையாயிருக்கிறது.
மேலும், கவிஞர் கையாண்ட " கோப்பி(காப்பி-தமிழகத்தில்), கொப்பி(பயிற்சிப் புத்தகம்), குழம்பு, உச்சிக் கந்தில், உசுப்பி விடல்" போன்ற சொற்கள் என்னை மீண்டும் ஈழத்திற்கு இழுத்துச் செல்கிறது

அடுத்து, முத்துப் போல் சோற்றுடன் முருங்கைக்காய்க் குழம்பு உண்டால் எப்படி இருக்கும் என்பதை முனைவர் தமிழப்பன் வர்ணிப்பதை "வல்லார்யார் சச்சியல் லால்" என்கின்ற கவிதையில் காணலாம்.

இஞ்சி முருங்கை இனியதோர் நெல்லிக்காய்
கொஞ்சம் உருளையதும் கூட்டிவர - பஞ்சனைய
சோறிட்டான் பாயசத்தால் சொக்கவைத்தான் சச்சியைப்போல்
வேறெவர்தாம் செய்வார் விருந்து.

முத்தைப்போல் சோறு முருங்கைக்காய் நற்குழம்பு
சத்தான இஞ்சிநெல்லி சார்ந்துவர - இத்தரையில்
வல்லாரை(ப்) போற்றி வளைத்துமே போடுவதில்
வல்லார்யார் சச்சியல் லால்.

விருந்தென்றால் நானும் விருப்புடனே சென்றேனா
விருந்தா மருந்தா வியந்தேன் - அருந்திடவே
இஞ்சிநெல்லி வல்லாரை இவைவைத்தால் என்சொல்ல
கொஞ்சு தமிழ்மொழியே கூறு.

மீண்டும் அழைப்பானோ மாட்டானோ என்றேநான்
தூண்டிற் புழுவாய்த் துடிக்கின்றேன் - தூண்டுசுவை
உண்டார் மறப்பாரோ ஒண்டொடியே என்வயிறு
அண்டாவாய் ஆகிவிட்ட தே.

கவிஞர் கண்ணதாசன் குறிப்பிடும் ஒரு நாடோடிப் பாடல்

மந்தையிலே மாடு மேய்க்கும்

மச்சானுக்கு மத்தியானம்

மொந்தையிலே சோற்றைப் போட்டு

முருங்கைக் கீரையை வதக்கிக் கொட்டி

என்று தொடங்குகிறது.

மேலும், காய்களைப் பற்றிய சிறுவருக்கான ஒரு பாடலில் முருங்கைக் காய் பச்சைக் கம்பு போல வருகிறது.

படத்தில் இருப்பது எங்கள் வீட்டு முருங்கைக் காய்

கம்பைப் போல முருங்கைக் காய்

கல்லைப்போல பறங்கிக் காய்

பாம்பைப்போலப் புடலங்காய்

பானைபோலப் பூசணிக் காய்

விரல்கள்போல வெண்லைக் காய்

விதையே இல்லா வாழைக் காய்

நன்றி: தமிழம்.நெற்.

இந்த சிறுவருக்கான பாடல் "மொட்டு வகுப்பு ஆசிரியர் கையேடு" என்ற தலைப்பின் கீழ் சிறுவர்க்கான தமிழ்ப் பாடற் தொகுப்பில் வருகிறது.

_________________________________________________________________________________________

சுவைத்துப் பார்த்துக் கருத்தைச் சொல்லுங்கள. நன்றி். அன்புடன் செல்லி.

கேட்டு மகிழ 9 காணி நிலம் வேண்டும

2007-01-20T00:57:00.000-08:00

தொழில்நிமித்தம் நரகத்தில் மன்னிக்கவும் நகரத்தில் வாழும் மக்கள் பாரதியைப் போல் இப்படித்தான் பராசக்தியை வேண்டுவார்களோ?. இப்படி ஒரு அமைதியான இடத்திலும், சூழலிலும் வாழ யாருக்குத்தான் விருப்பம் வராது.

பராசக்தியிடம் பாரதியாரின் வேண்டுதல்தான் என்னே!. நிலத்தோடு, காணியும்(வயல்க் காணி, தோட்டக்காணி)அழகிய தூண்களுடனும், நல்ல மாடங்களுடனும் உ டையதாய் ஒரு மாளிகை; அருகிலே கேணி;தென்னக்கீற்றும்; பக்கத்திலே (ஒன்று இரண்டல்ல) பத்துப் பன்னிரண்டு
தென்னை மரங்களும் -பிள்ளையைப் பெத்து கண்ணீர் வடிக்கிறதைவிட தென்னம்பிள்ளையை வைத்தால் இளநீர் மட்டுமல்ல எததனையோ பயன்களுண்டு என்று பாரதிக்குத் தெரியாமலா இருந்திருக்கும்-; அத்துடன், நிலாவொளி,குயிலோசை,தென்றலும் வேணும் என்கிறார் பாரதியார். இத்தனையும் இருந்து, தனியே வாழ முடியுமா? துணை வேண்டாமா? ஏதோ ஒரு பெண் என்றில்லாமல் பத்தினிப் பெண் வேண்டும் என்கிறார். அப்பதானே சந்தோசம் குடும்ப வாழ்க்கையில் இருக்கும். மாறாக பத்திரகாளியாக இருந்தா வாழ்க்கை எப்படி இருக்கும்?; இனிக்குமா?.

அப்படி ஒரு பத்தினிப் பெண்ணோடு கூடி மகிழ்கையிலே பராசக்தியிடம் கவிதைகளும் தரவேண்டும் என்கிறார். அமைதியற்ற சூழலிலே அதாவது பயமற்ற சூழலிலேதான் பாடி கூடிக் களிக்க முடியுமல்லவா, அதனால்த்தான் பராசக்தியைக் காவலுக்கு வரச் சொல்லுகிறார்.
இறுதியாக, கவிதைகள் தந்தால் போதாது, பராசக்தி ! தன் கவித்திறத்தாலே உலகைப் பாலித்திட வேண்டுகிறார்.
வெளிநாடு வந்து பராசக்தியை என்ன கேட்பது்? 400 சதுர மீற்றர் நிலத்திலவீடு, முற்றமுமில்லை; கோடியுமில்லை(காசில்லையப்பா, வீட்டுக்கு பினனுள்ள நிலத்தைச் சொன்னேன்). தென்னை மரத்துக்கு எங்க இடம்?; தென்றலை எங்க தேடுறது? கோடையில நெருப்பு மாதிரி காற்று, குளிகாலத்தில பனிக் காற்று.

நல்ல துணை கிடைச்சா அதைவிட அதிஷ்டம் வேறு என்ன? அதுதான் இங்க குதிரைக் கொம்பாச்சே! எல்லாம் கிடைச்ச பின் ,பாரதி பத்தினிப் பெண் கேட்கிறார்.பத்தினிப் பெண்ணோ , பொறுப்புள்ள புருஷனோ கிடைச்சா எல்லாம் கிடைச்ச மாதித்தானே! "பராசக்தி! இந்த வரம் மட்டும் தந்தாபோதும்" என்றல்லவோ இங்கு இன்றைய வாழ்க்கையிருக்கிறது.
என்னை கவர்ந்த பாடல் இது.

காணி நிலம் வேண்டும் - பராசக்தி
காணி நிலம் வேண்டும், - அங்கு
தூணில் அழகியதாய் - நன்மாடங்கள்
துய்ய நிறத்தினதாய் - அந்தக்
காணி நிலத்தினிடையே - ஓர்மாளிகை
கட்டித் தரவேண்டும் - அங்கு
கேணியருகினிலே - தென்னைமரம்
கீற்று மிளநீரும்.

பத்துப் பன்னிரண்டு - தென்னைமரம்
பக்கத்திலே வேணும் - நல்ல
முத்துச் சுடர்போலே - நிலாவொளி
முன்பு வரவேணும், அங்கு
கத்துங் குயிலோசை - சற்றே வந்து
காதிற் படவேணும், - என்றன்
சித்தம் மகிழ்ந்திடவே - நன்றாயிளந்
தென்றல் வரவேணும்.

பாட்டுக் கலந்திடவே - அங்கேயொரு
பத்தினிப் பெண்வேணும் - எங்கள்
கூட்டுக் களியினிலே - கவிதைகள்
கொண்டுதர வேணும் - அந்தக்
காட்டு வெளியினிலே - அம்மா! நின்றன்
காவலுற வேணும், - என்றன்
பாட்டுத் திறத்தாலே - இவ்வையத்தைப்
பாலித்திட வேணும்.

பாடலை கேட்க

1. பாடியவர்: Visalakshi Nityanand
ராகம்: பந்துவராளி
தாளம்: ஆதி

2. பாடியவர்: Rajkumar Bharathi
ராகம்:பிந்து மாலினி
தாளம்:ஆதி

நன்றி: musicindiaonline.com

___________________________________________________________________________________________

இலக்கிய இன்பம்-1 சிலேடைக் கவிதை

2007-01-07T23:58:00.000-08:00

சிலேடைக் கவிதை என்றால் சொல் அமைப்பில் ஒரு சொல்லாக வந்தாலும் இரண்டு அல்லது மூன்று அர்த்தத்தைக் கொண்டிருக்கும் பாடல் ஆகும்.
சிலேடைக் கவிபாட காளமேகப் புலவருக்கு நிகராக யாருமில்லை என்றே சொல்லலாம். இதோ தேங்காய்க்கும் நாய்க்கும் இரு பொருள்பட பாடப்பட்ட பாடல் !

“ஓடும் இருக்குமத னுள்வாய் வெளுத்திருக்கும்
நாடுங் குலைதனக்கு நாணாது –சேடியே
தீங்காய தில்லாத் திருமலைரா யன் வரையில்
தேங்காயு நாயுந் தெரி”

முதல் இரு அடிகளையும் நோக்கினால் தேங்காய்க்கும் நாய்க்கும் பொருள்படப் பாடியிருப்பதைக் காணலாம்.

தேங்காய் :
இதற்கு ஓடு இருக்கிறது, உடைத்துப் பார்த்தால் உட்பக்கம் வெளுத்திருக்கும். குலையாகக் காய்க்கும்.அக் குலை நிறைய காய்களைக் கொண்டிருப்பதால் தாங்குமோ தாங்காதோவென்று பயப்படாது (நாணாது) .

நாய்
நாய் ஓடும்.
அதாவது நாய் ஓடும், இருக்கும் ஒரு இடத்தில் நில்லாது. அதன் உள்வாயும் வெளுத்திருக்கும்.

யாரும் அந்நியரைக் கண்டால் குலைக்கும்.
அப்படி குலைப்பதற்கு வெட்கப்படாது(நாணாது).
இப்பாடலில் கவிஞரின் கவித்திறனை வியக்காமல் இருக்க முடியாது.படிக்கப் படிக்கத் தெவிட்டாத கவிதை.

எழுதிவர்: செல்லி

அடுத்த பதிவில் மூன்று பொருள்படப் பாடப்பட்ட கவிதையைக் நோக்கலாம்.
___________________________________________________________________

வந்ததுதான் வந்தீர்கள், உங்கள் கருத்தையும் சொல்லுங்கள்.

கேட்டு மகிழ (5) கண்ணம்மா என் காதலி

2007-01-07T17:04:00.000-08:00

கண்ணனைக் காதலியாக கற்பனை செய்து பாடும் பாடல் இது.
காதல் என்றால் காத்திருப்பது தவிர்க்க முடியாததாகிவிடுகிறது.
இந்தக் காதலில் ஜீவாத்மா பரமாத்மாவுக்காக காத்திருக்கின்றது."பார்த்த இடத்திலெல்லாம் உன்னைப் போலவே பாவை தெரியுதடி" என்பது எங்கும் நீக்கமற நிறைந்த பரமாத்மாவைக் குறிப்பிடுகிறது. தெய்வத் தன்மையிலிருந்து சற்றும் வழுவாது பாரதியார் கண்ணனைக் காதலியாக வைத்துப் பாடுகிறார்.மிகவும் கருத்துள்ள பாடல்.இதில் கடைசி இரு பாடல்களும் ஒலிவடிவில் இடம்பெறவில்லை.
பாடியவர்கள்: Bombay sisters. பாடலைக் கேட்க
பாடியவர்: S.P. பாலசுப்பிரமணியம். பாடலைக் கேட்க
படம்: வறுமையின் நிறம் சிவப்பு. இப் பாடலை இப் பதிவிற்கு தந்தவர் : தி.ரா.ச.

தீர்த்தக் கரையினிலே

தீர்த்தக் கரையினிலே தெற்கு மூலையில் ஷெண்பகத் தோட்டத்திலே
பார்த்திருந்தால் வருவேன் வெண்ணிலாவிலே பாங்கியோடென்று சொன்னாய
வார்த்தை தவறிவிட்டாய் அடி கண்ணம்மா மார்பு துடிக்குதடி
பார்த்த இடத்திலெல்லாம் உன்னைப் போலவே பாவை தெரியுதடி

(தீர்த்தக்)

மேனி கொதிக்குதடி தலை சுற்றியே வேதனை செய்குதடி
வானின் இடத்தையெல்லாம் இந்த வெண்ணிலா வந்து தழுவுது பார்
மோனத்திருக்குதடி இந்த வையகம் மூழ்கித் துயிலினிலே
நானொருவன் மட்டிலும் பிரிவென்பதோர் நரகத் துழலுவதோ

கடுமை யுடைய தடீ! - எந்த நேரமும்

காவலுன் மாளிகையில்;
அடிமை புகுந்த பின்னும் - எண்ணும்போது நான்

அங்கு வருவதற் கில்லை;
கொடுமை பொறுக்க வில்லை - கட்டுங் காவலும்

கூடிக் கிடக்கு தங்கே;
நடுமை யரசி யவள் - எதற்காகவோ

நாணிக் குலைந்திடுவாள். ...

கூடிப் பிரியாமலே - ஓரி ரவெலாம்

கொஞ்சிக் குலவி யங்கே,
ஆடி விளை யாடியே, - உன்றன் மேனியை

ஆயிரங்கோடி முறை
நாடித் தழுவி மனக் - குறை தீர்ந்து நான்

நல்ல களி யெய்தியே,
பாடிப் பரவசமாய் - நிற்கவே தவம்

பண்ணிய தில்லை யடி! ...

இந்தப் பாடல் "வறுமையின் நிறம் சிவப்பு"என்ற படத்தில் S.P. பால்சுப்பிரமணியம் மிகவும் அருமையாகப் பாடுகிறார்.

வந்ததுதான் வந்தீங்க, உங்க கருத்தையும் சொல்லீட்டு போங்க.

கேட்டு மகிழ (4) நல்லதோர் வீணை

2007-01-07T03:52:00.000-08:00

சிவசக்திமீது பாரதியின் அளவற்ற பக்தியைக் காட்டும் அருமயான பாடல் இது.
"தசையினை தீச்சுடினும்
சிவசக்தியை பாடும் நல்அகம் கேட்டேன்" என்று என்ன வரம் கேட்கிறார் பாருங்கள்! கவி ஆற்றல மிக்க இந்த கவிஞன் வாழ்கின்ற காலத்தில் யாரும் அவன் கவித்திறனைக் கண்டுகொள்ளவுமில்லை; நல்லதொரு வீணை இந்த்க் கவிஞன். அவனை கடைசிவழி போகும்வரை அந்தப் பெருங்கவிஞனை யாரும் பாராட்டவுமில்லை.
"மாநிலம் பயனுற வாழ்வதற்கே
நிலச்சுமையென வாழ்ந்திட புரிகுவையோ"
இந்த வரிகளிலே பாரதியின் பொதுநலத்தைப் பாருங்கள். பூமிக்குப் பாரமாக அன்றி பூமிக்கு பயனுற வாழ அருள் செய் என்று கேட்கிறார். இந்த பொதுநோக்கு சாதாரணமானவர்க்கு வராது,மெஞ்ஞானிகளுக்குத்தான் வரும். அஞ்ஞானிகள் கடவுளிடம் தமக்கு போலி கௌரவத்தைத் தரும் பெரியவீடு, புது கார், பெரிய உத்தியோகம், உயர்ந்த பதவி, நன்மக்கள் என்பன வேண்டித்தான் கும்பிடுகிறார்கள். நேர்த்தி வைக்கிறார்கள்.இவர்கட்கு மண்நலத்தைவிட
தன்னலம்தான் முன்னிற்கும். மாநிலம் பயனுற செய்யமுடியாவிட்டாலும், நாலுசனம் பயனுற நாமும் ஏதும் செய்யலாந்தானே!

இந்தப் பாடலைக் கேட்கும் போதெல்லாம பிறந்த மண் ஞாபகந்தான் வரும்.
எப்போதுமே பசுமையும், வளமும் கொளிக்கும் அந்த நல்ல மண்ணிலே இப்படி நாளாந்தம் குண்டு, வெடி பொழிந்து, குண்டும் குழியும், புழுதியுமாய்க் கிடக்கிறது. அந்த மண்ணின் அமைதிக்காக தினமும் சிவசக்தியை வேண்டுகிறேன்.
மேலும்,வெளிநாட்டுக்கு வந்தபின் பிறந்த நாட்டில் பெற்ற உயர்கல்வித் தராதரங்களுக் கேற்ற வேலை கிடைக்காமலும், தம் கல்வித் தமைக்கேற்ற ஒரு வேலை கூடக் கிடைக்காமலும் இருப்பவர்க்கும் இந்தப் பாடல் இதயத்தை இதமாக்கிச் செல்லும்.
கஷ்டப் பட்டு படித்தோரை
நஷ்டப் பட இங்கே விடுதல் நலந்தானோ?

இதோ இனி இப்பாடலைக் கேட்டு மகிழுங்கள்.

நியூயோர்க் ராஜா இசையில் உன்னிக் கிருஷ்ணன் பாடியது
சிறீகாந் இசையில் சிறீனி பாடியது
மதுவந்தி ராகத்தில் நித்யசிறீ பாடியது
பாரதி படத்தில், இளையராஜா,மனோ பாடிய பாடல்

(இப் பாடலை இப் பதிவுக்கு தந்தவர்: ஹரிஹரன் . நன்றி: )

நல்லதோர் வீணை செய்தே
அதை நலம் கெட புழுதியில் எறிவதுண்டோ

சொல்லடி சிவசக்தி
எனை சுடர்மிகும் அறிவுடன் படைத்து விட்டாய்

வல்லமை தாராயோ
இந்த மாநிலம் பயனுற வாழ்வதற்கே
நிலசுமையென வாழ்ந்திட புரிகுவையோ

விசையுறு பந்தினைப் போல்
உள்ளம் வேண்டியபடி
செல்லும் உடல் கேட்டேன்
நசையறு மனம் கேட்டேன்

நித்தம் நவமென சுடர் தரும் உயிர்கேட்டேன்
தசையினை தீச்சுடினும்
சிவசக்தியை பாடும் நல்அகம் கேட்டேன்
அசைவுறு மதி கேட்டேன்
இவை அருள்வதில் உனக்கெதும் தடையுளதோ?

நல்லதோர் வீணை செய்தே
அதை நலம் கெட புழுதியில் எறிவதுண்டோ

____________________________________________________________________

இனி உங்க கருத்தையுந்தான் சொல்லுங்களேன்.

கேட்டு மகிழ (3) கடுவெளி சித்தரின் பாடல்கள்

2007-01-06T06:10:00.000-08:00

அஞ்ஞான இருளைப் போக்கி மெஞ்ஞானச் சிந்தனைகளைச் சித்தர் பாடல்களில் காணலாம் . எத்தனையோ சித்தர்கள் முன்பு தத்துவப் பாடல்கள் மட்டுமல்ல சோதிடம், மருத்துவம் பற்றியும் நூல்கள் பல எழுதியிருக்கிறார்கள். எனக்கு மிகவும் பிடித்தவை கடுவெளி சித்தரின் பாடல்கள்தான். நவீன இசையமைப்பிலான ஒலிவடிவில் இங்கே அவற்றை கேட்டு மகிழலாம். அத்த்டன் இந்த ஒலிவடிவத்தை தரவிறக்கம் செய்தும் எப்பவும் கேட்டு மகிழலாம். சிறீகாந் என்பவரின் இசையில் சுரேன், சுந்தர்,சிறீகாந்
ஆகியோப் பாடுகின்றனர்.
பல்லவி முதற்கொண்டு தொடர்ந்து வரும் 11 சரணங்களில் 2 ம், 3 ம், 5 ம் சரணங்கள் இந்த ஒலிவடிவில் இடம்பெறவில்லை.

கடுவெளிச் சித்தர்

பல்லவி

பாபஞ்செய் யாதிரு மனமே - நாளைக்

கோபஞ்செய் தேயமன் கொண்டோடிப் போவான்

பாபஞ்செய் யாதிரு மனமே

சரணம் 4

நந்த வனத்திலோ ராண்டி - அவன்

நாலாறு மாதமாய்க் குயவனை வேண்டிக்

கொண்டுவந் தானொரு தோண்டி - மெத்தக்

கூத்தாடிக் கூத்தாடிப் போட்டுடைத்தாண்டி. (பாபஞ்செய் யாதிரு)

சரணம் 6

நல்ல வழிதனை நாடு- எந்த
நாளும் பரமனை நத்தியே தேடு
வல்லவர் கூட்டத்திற் கூடு - அந்த
வள்ளலை நெஞ்சினில் வாழ்த்திக் கொண்டாடு.

சரணம் 7

நல்லவர் தம்மைத் தள்ளாதே - அறம்

நாலெட்டில் ஒன்றேனும் நாடித்தள் ளாதே

பொல்லாக்கில் ஒன்றுங்கொள்ளாதே - கெட்ட

பொய்மொழிக் கோள்கள் பொருந்த விள்ளாதே.

சரணம் 8

வேத விதிப்படி நில்லு - நல்லோர்

மேவும் வழியினை வேண்டியே செல்லு

சாத நிலைமையே சொல்லு - பொல்லாச்

சண்டாளக் கோபத்தைச் சாதித்துக் கொல்லு.

சரணம் 9

பிச்சையென் றொன்றுங்கே ளாதே - எழில்
பெண்ணாசை கொண்டு பெருக்கமாளாதே
இச்சைய துன்னையாளாதே - சிவன்
இச்சை கொண்டதவ்வழி யேறிமீளாதே. 9

சரணம் 10

மெஞ்ஞானப் பாதையி லேறு - சுத்த
வேதாந்த வெட்ட வெளியினைத் தேறு
அஞ்ஞான மார்க்கத்தைத் தூறு - உன்னை
அண்டினோர்க் கானந்த மாம்வழி கூறு. 10

சரணம் 11

மெய்குரு சொற்கட வாதே - நன்மை
மென்மேலுஞ் செய்கை மிகவடக்காதே
பொய்க்கலை யால்நடவாதே - நல்ல
புத்தியைப் பொய்வழி தனில் நடத்தாதே.( நந்த வனத்திலோ)

பாபஞ்செய் யாதிரு மனமே - நாளைக்
கோபஞ்செய் தேயமன் கொண்டோடிப் போவான்
பாபஞ்செய் யாதிரு மனமே.
________________________________________________
வந்ததுதான் வந்தீங்க, உங்க கருத்தையும் சொல்லீட்டுப் போங்களேன்.

கேட்டு மகிழ (2) காயிலே புளிப்ப்தென்னே?

2007-01-05T18:21:00.000-08:00

"நிற்பதுவே நடப்பதுவே" என்ற பாட்டில் எங்கும் "காண்பது சக்தியாம்"என்னும் பாரதியார் கீழ்வரும் பாடலில் எங்கும் எதிலிம் கண்ணனைக் காண்கிறார். அதாவது, காய், கனி, காற்று, திக்கிலே மட்டுமல்ல நோய்,விரதம்,கனவு, சூடு, குளிர், என்பவற்றிலும் கண்ணனைக் காண்கிறார். கண்ணனை நாம் ஏற்று நின்றால், போற்றி நின்றால் அவன் எமைக் காத்து நிற்பான். மெய்யரைக் காப்பான்; பொய்யரை மாய்ப்பான்.

பாரதி பாடல்கள் ஒவொன்றுமே தனித்தன்மை வாய்ந்தவை. படிக்கப் படிக்கத் தெவிட்டாதவை; கேட்கக் கேட்க இனிமயானவை. இந்தப் பாடலைக் சுதா ரகுநாதன் பிந்து மாலினி ராகத்தில் பாடியிருக்கிறார். நீங்களும் இங்கே கேட்கலாம்.

கண்ண பெருமானே

காயிலே புளிப்ப்தென்னே? கண்ண பெருமானே,
கனியிலே இனிப்பதென்னே? கண்ண பெருமானே,
நோயிலே படுப்பதென்னே? கண்ண பெருமானே,
நோன்பிலே உயிர்ப்பதென்னே? கண்ண பெருமானே
காற்றிலே குளிர்ந்ததென்னே? கண்ண பெருமானே
கனவிலே சுடுவதென்னே? கண்ண பெருமானே,
திக்கிலே தௌiந்நதென்னே? கண்ண பெருமானே,
ஏற்று நின்னைத் தொழுவதென்னே? கண்ண பெருமானே,
எளியர் தம்மைக் காப்பதென்னே? கண்ண பெருமானே
போற்றினோரைக் காப்பதென்னே? கண்ண பெருமானே,
பொய்யர் தம்மை மாய்ப்பதென்னே? கண்ண பெருமானே.

கேட்டு மகிழ (1) நிற்பதுவே, நடப்பதுவே,

2007-01-03T15:57:00.000-08:00

பாரதியார் ஒரு விஞ்ஞானி.தற்போது பரபரப்பாக பேசப்படும் வேச்சுவல் றியாலிற்றியை (virtual reality) எப்பவோ கண்டுபிடித்துவிட்டார்.உண்மையைப் போலத் தெரியும் ஆனால் அது உண்மையல்ல. அதாவது காண்பதெல்லாம் மாயை என்கிறார் பாரதியார்.அவர் ஒரு மெஞ்ஞானிதான். மெஞ்ஞானிகளுக்கு மட்டும்தான் இவை மாயை என்று தெரியும், மற்றவர்க்கு இவை உண்மைபோலத் தோன்றும்.இந்த பாடலை படித்துப் பாருங்கள் புரியும். எனக்குப் பிடித்த வரிக்ள்
"காண்பதெல்லாம் மறையுமென்றால் மறைந்ததெல்லாம் காண்பமன்றோ? -என்னே லொஜிக்(logic)!
வீண்படு பொய்யிலே -நித்தம் விதிதொடர்ந் திடுமோ?"
இந்தப் பாடலைக் கேட்க இங்கே சொடுக்கவும.

இந்தப் பாடல் "பாரதி" திரைப்படத்தில் வருகிறது. கேட்கக் கேட்கத் தெவிட்டாத பாடல். ஆன்மீகக் கருத்துள்ள பாடல். இதைக் கேட்டுக்கொண்டே இயற்கைக் காட்சியைப் பாருங்கள், அப்படியே மெய்...... மறந்து விடுவீர்கள்.

பாரதியாரின் ஞானப்பாடல்
உலகத்தை நோக்கி வினவுதல்
நிற்பதுவே, நடப்பதுவே,பறப்பதுவே நீங்களெல்லாம்
சொற்பனந்தானோ? பல தோற்றமயக்கங்களோ?
கற்பதுவே,கேட்பதுவே,கருதுவதே நீங்களெல்லாம
அற்பமாயைகளோ? உம்முள் ஆழ்ந்தபொருளில்லையோ?

வானகமே,இளவெயிலே,மரச்செறிவே நீங்களெல்லாம்
கானலின் நீரோ? வெறும்காட்சிப் பிழைதானோ?
போனதெல்லாம் கனவினைப்போல் புதைந்தழிந்தே போனதனால்
நானும் ஓர் கனவோ?-இந்த ஞாலமும் பொய்தானோ?

காலமென்றே ஒரு நினைவும் காட்சியென்றெ பலநினைவும்
கோலமும் பொய்களோ?அங்கு குணங்களும் பொய்களோ?
சோலையிலே மரங்களெல்லாம் தோன்றுவதோர் விதையிலென்றால்
சோலை பொய்யாமோ? இதைச் சொல்லொடு சேர்ப்பாரோ?

காண்பதெல்லாம் மறையுமென்றால் மறைந்ததெல்லாம் காண்பமன்றோ?
வீண்படு பொய்யிலே -நித்தம் விதிதொடர்ந் திடுமோ?
காண்பதிலே உறுதிகொண்டோம் காண்பதெல்லாம உறுதியில்லை
காண்பது சக்தியாம் -இந்தக் காட்சி நித்தியமாம்

உங்கள் கருத்தையும் சொல்லுங்களேன்.

பரிசுக் கட்டுரை

2007-01-01T20:32:00.000-08:00

புலம்பெயர்ந்தோர் கலாச்சாரப் பிரச்சனைளும்
அவறைத் தீர்ப்பதற்கான வழிகளும்

இந்தக் கட்டுரை 1991ல் மெல்போன் நகரில் நடாத்தப்பட்ட கட்டுரைப் போட்டியில் முதல் பரிசு பெற்றது.முதன்முதலாக அவுஸ்ரேலியாவுக்கு வந்தேறு குடிமக்களில் ஒருவராக வந்து 6 மாதத்தின் பின் இக் கட்டுரைப் போட்டியில் கலந்து எழுதினேன்.ஆனால் தற்பொழுது நிறைய பிரச்சனைகள் புலம் பெயர்ந்தவர்களுக்கு உள்ளன.

எழுதியவர்:செல்லி

பக்கங்கள் ஒவொன்றையும் சொடுக்கவும். எழுத்துகளை பெரிதாக பார்த்து வாசிக்கலாம்.

பேரனின் ஆசை

2007-01-01T17:59:00.000-08:00

கவிதை

குரக்கன் புட்டு ஒடியல் கூழ்
உழுந்தங்கழி உண்டதெல்லாம்
ஆச்சி அப்பு அந்தக்காலம்

உறைக்கும் கறி சோறு
உருசியான இடியப்பம் புட்டு
உப்புமா தோசை இட்லி
தினந்தினம் தின்கிறார்கள்
அம்மாஅப்பா இந்தக்காலம்

சீஸ்பேகர் ஹாம்பேகர்
சுடுநாயாம் ஏதோ ஹொட்டோக்
சிப்ச் என்ன கோக் என்ன
பிஸ்சாவாம் பாஸ்ற்ராவாம்
பிடிக்குமாம் தின்றுகொள்ள
பிள்ளைகளுக்கு எப்பவுமே

மிலேனியம் பிறந்த பின்னே
மலரப் போகும் மொட்டே
மழலை பேசவரும் சிட்டே
சுழலுமிந்த் உலகில்வந்து
என்ன தின்னப்போகிறாய்?
சொந்தமுள்ளா பேரனுக்கு
சேதி என்னசொல்லுவாய்?

கொழுந்துவிடும் என்நெஞ்சிலே
கொள்ளை கொள்ளை ஆசை
உன்னைத் தூக்கி நான்தவழ்ந்த
ம்ண்ணில் விட ஆசை
முற்றத்து ஒற்றைப்பனை
உயரம் காட்ட ஆசை
ஒற்றைப்பிலா இலைமடித்து
கூழ்குடிக்க ஆசை
சுற்றியுள்ள தோட்டமெல்லாம்
பச்சை காட்ட ஆசை
சுடுசுடு குரக்கன் புட்டும்
சுவைக்கச் சக்கரையும்போட்டு
நீசாப்பிட நான்பாத்திட அந்த
ஆச்சியப்பு காலத்தை உன்னக்குக்
காட்ட ஆசை.

பேரனை போல் நீயிருந்தா
என்பேச்சையும்தான் கேட்பியா?
பிறந்த மண்ணைப் பார்க்க
விரும்பி நீயும்வருவியா?
கூடுவிட்டு உயிர்போனால்
கொள்ளி போட்டுவிடுவியா?

எழுதியவர்: செல்லி

மிலேனியம் பிறக்கப் போகிற காலத்தில் எழுதிய கவிதை. யாழ்ப்பாணம் திரும்பிப் போய் வாழ ஆசை. கனவு பலிக்குமா?
இந்த கவிதை பற்றிய உங்கள் கருத்தையும் சொல்லுங்களேன்.